+1 °С
Болытлы
Гәзиткә язылуVKOKTelegramЯRus
Барлык яңалыклар
Җәмгыять
4 август 2016, 02:00

Уңай нәтиҗәләре озак көттермәс!

Районда исәп алучылар тәүге өч атнада планлаштырылган объектларның 65 процентында булган. Район территориясендә авыл хуҗалыгы тәгаенлә­нешендәге объектлар саны бихисап. 10235 шәхси хуҗа­лык, 42 крестьян-фермер хуҗа­лыгы бар. Авыл хуҗа­лыгы продукциясе җитеш­терүче эре оешмалар һәм кече пред­приятиеләр дә исәп алу кампаниясеннән читтә калмый.

Район дүрт участокка бү­ленгән. Һәркайсында — берәр инструктор. Аларга 5-6 исәп алучы туры килә. Йөкләнеш зур булганлыктан, исәп алучылар санын ишәйтергә туры килгән. Бу көннәрдә 32 исәп алучы, һәр йортта булып, бакчада үскән һәр агач-куакның, ихатадагы һәр баш мал-туар, кош-кортның исәбен алу белән мәшгуль. Бер исәп алучыга уртача 460 объект туры килә.

Исәп алучыларны зәңгәр төстәге махсус киеменнән танырга мөмкин. Кулларында — сумка. Планшет белән йөргән исәп алучылар да бар.

Исәп алучылар сөйләвенчә, йорт хуҗалары, терлек санына карап салым салыначак икән, дип кемдер тараткан коткыга бирелеп, тулы мәгълүмат җит­кер­мәү ягында. Ә исәп алу салым объектларын арттыру өчен эшләнми. Моннан ун ел элек андый кампания үтте бит. Мондый хәл булдымы? Ә инде ул кампаниядән соң барлыкка килгән уңай якларны күз алдына китерик. Безнең республикада гына күпме махсус программа тормышка ашырылып килә. Шәхси хуҗалыкларны үстерү, эшкә башлап тотынучы фермерларны яклау республика программалары барысы да менә шул исәп алу нәтиҗә­ләре буенча эшләнде бит. Әлеге кампаниядән соң тагын да яңа төрле программалар барлыкка киләчәгенә шик юк. Хөкүмәт план, програм­ма­лар­ны статистика мәгъл­ү­матла­рына карап төзи. Исәп алу кампаниясе илнең азык-төлек белән үзен тулысынча тэмин итәрлек булу-булмавын ачыклау өчен кирәк. Импортны урында җитештерелгән про­дукциягә алыштыру максаты куелган чорда исәп алу мәсьә­ләсенә җаваплы карау мөһим.

Исәп алу дәвам итә. Авылны яклау һәм аның киләчәген хәл итүгә юнәлтелгән кампания нәтиҗәләрен мәгълүматлар эшкәртелгәннән соң күрербез.
Читайте нас в