“Галим бакчасы” булачак!

Үткен авылы халкы өчен уңайлы ял итү урыны барлыкка киләчәк.Дүртөйле районының Үткен авылы халкы бакчаны торак пунктның нәкъ уртасына салу идеясе белән яна. Һәм бу идея көчәя бара. Баштарак Бөек Ватан сугышында катнашкан якташлар истәлеген мәңгеләштерү күздә тотыла иде.

Үткен авылы халкы өчен уңайлы ял итү урыны барлыкка киләчәк.

Дүртөйле районының Үткен авылы халкы бакчаны торак пунктның нәкъ уртасына салу идеясе белән яна. Һәм бу идея көчәя бара. Баштарак Бөек Ватан сугышында катнашкан якташлар истәлеген мәңгеләштерү күздә тотыла иде.

— Бу фикер күптәннән туды, — ди инициаторларның берсе, Суккул урта мәктәбе укытучысы Рәсимә Вәлиева. — Авылдашларыбызның батырлыгын билгеләргә, Бөек Җиңүне үз иңнәрендә күтәргән өлкән буынның хезмәтен мәңгеләштерергә карар иттек. Ләкин нинди формада? Бу һәйкәл, обелиск яки стела булырмы? Уй-фикерләр уңдырышлы туфракка эләкте: тәкъдимнәр төрле яктан килә. Берәүләр телдән сөйләде, икенчеләр социаль челтәрләрдә язды, безнең анда тармакланган, актив эшләүче төркемебез бар. Һәм бу идея үзгәрде, яңа төсмерләр алды.

Нәтиҗәдә, зурракка кизәнергә карар кылынды: кайчандыр Белоруссиядә батырларча һәлак булган Галим Камалетдин улы Ихсановның әти-әнисенең йорты булган урында сквер салыначак.

Авылда бу якташларының язмышы турында озак вакытлар берни дә билгеле булмады. Туганнары аны хәбәрсез югалган дип санаган.

Галим Ихсанов 1920 елда туган, Казанда сәүдә техникумын тәмамлаган. Спортны бик яраткан. “Ворошилов укчысы” значогы иясе, ОСОАВИАХИМ әгъзасы. Шул рәвешле, булачак герой хәрби әзерлек күнекмәләре алган. Эшче-крестьян Кызыл Армиясе сафларына чакырыла. Аннары сугыш башлана. Туганнар башта кыска гына хәбәрләр ала, аннары алар да килми башлый. Галим турында берни билгеле булмый диярлек. Узган гасырның 70нче еллары башында гына якташлар Галим Камалетдин улының сугышчан батырлыгы турында белде.

Партизаннар отряды командиры Николай Стукалов, журналист Фәрит Вахитов белән берлектә, Дүртөйле район гәзитенең биш санында “Тропою бессмертия” дигән очерк бастырды. Аңардан шул билгеле булды: Галим хезмәт иткән хәрби подразделение Белостоктан ерак түгел урнашкан була. Совет сугышчылары дошманга каты каршылык күрсәтә, ләкин көчләр тигез булмый. Чолганышка эләгәләр. Үзебезнекеләр ягына чыгалар. Һәм тагын чолганыш. Фашистларның вак төркемнәре белән сугышып, яңадан фронт линиясенә чыгалар. Ләкин яралану үзебезнекеләргә таба хәрәкәт итәргә мөмкинлек бирми. Сугышчылар үзләренең канга баткан иптәшләре Галим Ихсановны бер авылда калдырырга мәҗбүр булалар.

Батыр солдат, дәваланганнан соң, партизаннар белән элемтә урнаштыра. Отряд командиры Иосиф Стукалов белән Галим Ихсанов бер гарнизонда камалышта булалар, шунда ук дустын таныса да, башта отрядка ул шарт белән кабул ителә.

“Син партизаннарга кабул ителдең һәм беренче задание алдың, — ди Иосиф Стукалов, — авылда әлегә тыныч кына яшә, нәрсәләр булуын, күзәт, өйрән. Ә куркыныч туса, Любиничи МТСы янындагы урманга килерсең”.

Аннары авторлар болай дип яза: “Галим, үзенең коралы белән партизаннарга кушылып, Маслолов гарнизоны, полиция участоклары һәм немец хезмәтчеләре турында кыйммәтле мәгълүматлар китерә. Беренче көннәрдә үк ул Любиничи урманын — үзенең туган авылы, ә партизаннарны кардәшләре кебек кабул итә”.

Партизаннар дошман подразделениеләренә һөҗүм ясыйлар, фашистларга ярдәм итүче хыянәтчеләрне җәзалыйлар, күперләрне һәм сугыш кирәк-яраклары складларын шартлаталар. Алар турында җентекләп очеркта язылган. Галим Ихсанов белән отряд командиры Иосиф Стукалов 1943 елның 6 февралендә һәлак булалар.

Якташыбыз Туганнар каберлегендә җирләнә, анда мәһабәт һәйкәл куелган, урындагы мәктәпнең пионер дружинасына аның исеме бирелгән иде...

Менә шуңа күрә дә Үткен авылы халкы сквер салырга һәм аны “Галим бакчасы” дип атарга карар кылды. Бөек Ватан сугышында катнашкан якташларыбызга һәйкәл кую нәкъ менә шул урында планлаштырыла. Барлык фронтовикларның исемнәре ташка уеп язылачак. Шунда ук Галим Ихсановка яңартылган һәйкәлне күчерергә ниятлиләр. Биредә авылның данлыклы кешеләре: авыл хуҗалыгы алдынгылары, мактаулы исемнәр, хөкүмәт бүләкләренә ия, фән, мәдәният эшлеклеләре, авылдан чыккан шәхесләрнең исемнәре уеп язылган стела куелачак. Аларның кайберләре: Русия Федерациясенең атказанган авыл хуҗалыгы хезмәткәрләре Әкрам Фәтхетдинов һәм Илфир Хәмидуллин, медицина фәннәре докторы, профессор Мәснәви Мусин, Русиянең һәм Башкортстанның Журналистлар берлеге әгъзасы, Шаһит Ходайбирдин исемендәге премиясе лауреаты Фәнүз Хәбибуллин, Бөтенсоюз һәм Бөтенрусия ярышларында катнашучы, танылган спортчы Кәрим Мөкминов һәм башкалар.

Бакчаның бер өлеше авылдашларның сугышчан һәм хезмәт батырлыгына багышланса, икенчесендә, фаразланганча, балалар һәм спорт мәйданчыгы урнаштырылачак. Территориягә агачлар утыртылачак, яктырту җиһазлары куелачак.

Кыскасы, “Галим бакчасы” Үткендә яшәүчеләр, балалар һәм авыл кунаклары өчен уңайлы ял итү урыны булачак. Авыл халкының башлангычы “Ленин” токымчылык заводы җәмгыяте һәм авыл хакимияте җитәкчелеге тарафыннан хуплау тапты. Ә әлегә әзерлек эшләре: халыкны сораштыру, җир бүлеп бирү, документларны тутыру бара, сугышта катнашучылар һәм авылның танылган кешеләре исемлеге төзелә.

Хәмит НӘБИЕВ.
Дүртөйле районы.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27