“Башкорт тарихы елы”нда ниләр эшләнәчәк?

Бөтендөнья башкортлары корылтае оештырган матбугат конференциясендә шушы хакта җитди сөйләшү булды.“Башинформ” агентлыгының конференц-холлында Бөтендөнья башкортлары корылтаеның 2021 елга эш планнары турында матбугат конференциясе үтте.

Бөтендөнья башкортлары корылтае оештырган матбугат конференциясендә шушы хакта җитди сөйләшү булды.

“Башинформ” агентлыгының конференц-холлында Бөтендөнья башкортлары корылтаеның 2021 елга эш планнары турында матбугат конференциясе үтте.

Анда Бөтендөнья башкортлары корылтае (конгрессы) президиумы рәисе Эльвира Аеткулова, оешманың башкорт халкының тарихы һәм үсеше мәсьәләләре комиссиясе рәисе Азат Ярмуллин һәм әлеге комиссия рәисе урынбасары Юлдаш Йосыпов, матбугат һәм киңкүләм мәгьлүмат чаралары агентлыгы җитәкчесе урынбасары Марат Газизов журналистларның сорауларына җавап бирделәр.

Спикерлар Бөтендөнья башкортлары корылтае игълан иткән “Башкорт тарихы елы”, шулай ук, тематик ел программасын гамәлгә ашыру кысаларында планлаштырылган чаралар турында җентекләп сөйләде.

“Бөтендөнья башкортлары корылтаеның эшчәнлеге, беренче чиратта, башкорт халкын берләштерүгә, башкортлар яшәгән урыннарда телне, мәдәниятне саклап калуга юнәлтелгән, – дип билгеләде Эльвира Аеткулова. – Былтыр “Башкорт теле елы” чараларын үткәрдек. “Башкорт тарихы елы” йөрәкләребездә шундый ук якты чагылыш табар дип өметләнәбез”.

2021 елда “Шәйморатов варислары – Шаймуратовцы” белешмәсенең басма версиясен тәкъдим итү булачак, анда дивизиянең 2700 сугышчысының исемнәре һәм биографияләре кергән. Басма февральдә “Башкорт энциклопедиясе” фәнни нәшриятында чыгарылачак. Арытаба 1812 елгы Ватан сугышының 210 еллыгына багышланган “Мин – Төньяк амурлары токымыннан” проекты башланачак.

Берничә грант проекты гамәлгә ашырылачак. Алар арасында – “Русия Федерациясе субъектларында башкорт мәдәнияте һәм мәгарифе көннәре”. Быел башкортлар күпләп яшәгән төбәкләргә зур игътибар биреләчәк. Курган (29 гыйнвар), Екатеринбург (26-28 февраль), Ырынбур (19-21 март), Чиләбе (26-28 март) өлкәләре, Пермь крае (12-14 март), Ханты-Манси автономияле округында (12-14 февраль) Башкорт мәдәнияте һәм мәгарифе көннәре үтәчәк.

2021 елда башкорт ырулары съездлары оештырылачак. “Беренче җыен – Ялдәк ыруыныкы, 29 гыйнварда Борай авылында. Без башка төбәкләрдән, башка илләрдән бу ырулардан чыккан кешеләрне җәлеп итү буенча зур эш алып барабыз”, – дип аңлатты комиссия рәисенең тарих мәсьәләләре буенча урынбасары Юлдаш Йосыпов.
Алда торган кайбер чаралар күренекле шәхесләрнең истәлеген мәңгеләштерү белән бәйле. Ырынбур өлкәсендә Мстислав Кулаевка, Башкортстанның халык шагыйре Равил Бикбаевка мемориаль такталар куелачак, Пермьдә Исмәгыйль Тәсимовка бюст ачылачак. Самарада башкорт теле белгече Габбас Дәүләтшинга һәйкәл кую планлаштырыла.

Мәгариф өлкәсендә апрельдә башкорт ата-аналары өчен зур форум оештыру турында карар кабул ителде. Катнашучыларны урыннарда башкорт телен укытуны оештыру методикасы белән таныштыру планлаштырыла. Әлеге проект Башкортстан Башлыгы грантына лицейларның берсе белән берлектә үткәрелә. Тагын башкорт теле һәм әдәбияты укытучыларының төбәкара форумы узачак.

Рәми Гарипов исемендәге гимназия белән берлектә “Башкорт теле – башкорт иле” проекты планлаштырылган. Русия субъектларында якшәмбе мәктәпләренең методик челтәре ачылачак, алар күренекле шәхесләрнең исемнәре белән аталачак.

Грант проектларының берсе кысаларында башкорт язучылары әсәрләрен тәрҗемә итү һәм бастырып чыгару каралган. Шулай ук “XXI гасыр язучысы” төбәкара форумын үткәрү дә планлаштырылган.

“Викимәктәпләр” проекты кысаларында укучыларны башкорт Википедиясе белән эшләүгә җәлеп итәчәкләр, анда башкорт телендә мөмкин кадәр күбрәк мәгълүмат тупланачак.

Бөтендөнья башкортлары корылтае Элвин Грейның (Радик Юлъякшинның) “Яңа моң” проектын эшләүгә дә кушыла. Проектның үзенчәлекле билгесе – башкорт, урыс һәм инглиз телләрендә җырлар башкару. Бу эстрада яшьләр тамашасына сайлап алу этаплары башланды да инде.

Икенче өлештә киңкүләм мәгълүмат чараларында һәм социаль челтәрләрдә башкорт телен, мәдәниятен, башкорт халкының тарихын һәм заманча үсешен популярлаштыручы проектларга грант ярдәме күрсәтү буенча конкурста җиңүчеләр бүләкләнде.

Исегезгә төшерәбез, конкурс 2020 елның декабрендә Башкорт телен саклау һәм үстерү фонды тарафыннан игълан ителде, Бөтендөнья башкортлары корылтае белән берлектә узачак. Конкурсның максаты – киңкүләм мәгълүмат чараларында һәм социаль челтәрләрдә башкорт теле турында контентны арттыру, башкорт теленә кызыксынуны көчәйтү.
Бүген грантларга ун мең сумлык беренче биш сертификат тапшырылды. Грант ияләренең берсе “Башинформ” агентлыгы хәбәрчесе Ләйлә Аралбаева булды. Журналист быел Корылтай игълан иткән “Башкорт тарихы елы”на һәм башкорт телен үстерүгә багышланган берничә материал әзерләргә җыена.

Уфадагы “Эхо Москвы” радиостанциясенең шеф-мөхәррире Руслан Вәлиевка, Пермь краеның Барда туган якны өйрәнү музее директоры Альберт Мәхмүтовка, “Тәтешле хәбәрләре” гәзитенең баш мөхәррире Рәфит Фәйзрахмановка да грант бирелде.

Төп интрига бишенче җиңүче исеме (“ВКонтакте” платформасында эшләүче “Серләшик” башкорт паблигының аноним хуҗасы) тирәсендә барлыкка килде. Хәтта бүләкләү тантанасында да “Серле Хәстрүш” дистанцион рәвештә катнашты һәм үз исемен ачмады.

Фәнүз ХӘБИБУЛЛИН.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27