-6 °С
Болытлы
Барлык яңалыклар
Җәмгыять
18 сентябрь 2021, 19:40
Яңа технологияләр ярдәмгә килә
Быелгы халык исәбен алу кампаниясе – беренче санлы һәм соңгы кәгазьдә исәп алу булачак.
Яңа технологияләр ярдәмгә килә
“Дәүләт хезмәтләре” порталында анкетаны русиялеләр 15 октябрьдән 8 ноябрьгә кадәр чорда үзаллы тутыра ала. Элеккеләреннән аермалы буларак, быелгы кампания санлы технологияләр кулланылуы белән дә уникаль. Шулай итеп, тарихка да ул беренче санлы һәм соңгы кәгазьдә исәп алу булып кереп калачак. “Ни өчен кирәк соң ул исәп алу?” Бу сорауны август ае дәвамында барган Авыл хуҗалыгын микроисәпкә алу барышында да еш ишетергә туры килде. Бу хакта һәм бер айдан башланачак халык исәбен алу кампаниясенең үзенчәлекләре турында Уфа шәһәрендәге 2нче Дәүләт статистикасы бүлегенең Кырмыскалы районы буенча баш белгеч-эксперты Әлфия Әхмәдуллина белән әңгәмәдә тулырак аңлатырга тырышырбыз.
— Әлфия Рифовна, “Исәп алу нигә кирәк?” дигән сорау башкача тумасын һәм бу чараның мөһимле-ген ачыклау өчен агымдагы Бөтенрусия халык исәбен алу кампаниясенең максатларын җентекләбрәк аңлатып үтсәгез иде.
— Исәп алу – ул безнең корал, аның нәтиҗәләре алдагы елларга икътисади фаразларны формалаштыру өчен кулланыла. Әгәр бүген исәп алуда катнаш-масаң, иртәгә балалар бакчалары, мәктәпләр һәм дәваханәләр ни өчен шулай аз төзелә дигән сораулар бирергә кирәкми. Нәкъ менә исәп алу ярдәмендә без һәр авыл яки шәһәр халкының саны турында төгәл мәгълүмат алабыз. Җанисәп нигезендә төбәкләрнең үсеш программасы төзелә. Социаль ярдәм чараларын финанслау да шушы күрсәткечкә бәйле. Мәсәлән, алынган мәгълүматлар күпләргә яхшы таныш “Сәламәтлек саклау”, “Мәгариф”, “Демография”, “Торак һәм шәһәр мохите” кебек гомумдәүләт проектларын тормышка ашыруда аеруча файдалы булачак. Бу һәм башка проектларны тормышка ашыруда власть органнары соңгы исәп алу белешмәләренә: хуҗалык һәм гаилә әгъзаларының саны, составы, торак шартлары, туым дәрәҗәсе, милли составы, белеме кебек белешмәләргә таянып эш итә алачак.
— Соңгы тапкыр илебездә халык исәбен алу 2010 елда узган иде. Монысында нинди яңалыклар бар?
— Ул санлы технологияләр кулланылуы белән уникаль булачак. Яңа технологияләр белешмәләрне алу белән анализлауга кадәр барлык этапларда да кулланылачак. Шуның нәтиҗәсендә эшне күпкә тизрәк һәм сыйфатлырак башкарып чыгарга мөмкинлек бирәчәк.
Исәп алуда төрле юллар белән катнашырга мөмкин. Беренчесе – 15 октябрьдән 8 ноябрьгә кадәр Интернет челтәре аша “Дәүләт хезмәтләре” порталында. Моның өчен “Исәп алуны үтәргә” дигән биттә мәгълүматлар үзаллы тутырыла. Үзеңне генә түгел, гаиләңнең барлык әгъзаларын да теркәргә мөмкин. Онлайн теркәүдә катнашучы санлы код ала. Икенче юл – исәп алучылар йортлар һәм фатирлар буйлап йөреп, мәгълүматны махсус программалы планшетка кертә барачак. Әгәр дә сез исәп алуда онлайн катнашасыз икән, махсус кодны күрсәтү дә җитә. Өченче юлы да бар: кемдер исәп алучыны йортына кертәсе килмәсә, яки башка сәбәп буенча Интернет аша үзаллы теркәлмәсә, ул стационар участокка яки яшәү урыны буенча статистика бүлегенә килә ала, шулай ук дәүләт һәм муниципаль хезмәтләр күрсәтү буенча күпфункцияле үзәкләр биналарында да анкета тутырырга мөмкин булачак.
— Ничек уйлыйсыз, кырмыскалылыларның күпме өлеше исәп алуны онлайн үтәчәк?
— Әлбәттә, моңа төгәл җавап биреп булмый. Шулай да яшьләр хәзер башлыча электрон сервислардан файдалана, шуңа да алар бу эшне онлайн башкарыр, дияргә кирәк. Шул ук вакытта өлкән буын моңа әле әзер түгел, алар исәп алучыны йортларында көтәчәк.
— Кайбер кешеләр, гадәттә, үзләре турында нинди дә булса мәгълүмат бирүгә бик сак карый, салым органнарына китәчәк, дип борчыла...
— Халык санын алу конфеденциаль, алынган мәгълүмат башка органнарга һич кенә дә җибәрелми. Хәтта керем күләме турында сорау да юк, бары тик акча чыганакларының төрләрен күрсәтергә була. Бернинди документлар күрсәтергә дә кирәкми, барлык мәгълүматлар сораштырылучыларның сүзләреннән тутырылачак. Ә инде “Дәүләт хезмәтләре” порталына килгәндә, анда исемсез керү мөмкин түгел. Ләкин моннан да куркырга һәм шикләнергә кирәкми. Белешмәләр Росстат мәйданчыгына исемнәрсез күчерелә.
— Әлбәттә, 10 елга бер тапкыр үткәрелүче кампания ныклы әзерлек таләп итә. Кырмыскалы районында бу уңайдан нинди эшләр башкарылды?
— Бу зур чарага әзерлек күптән башланды. 2019 елда теркәүчеләр (регистраторлар) авыллар буйлап, урамнарны, йортларны барлап чыкты, яңаларын теркәде, йортларга номерлар куелганмы, урам исемнәре күрсәтелгәнме икәнлеген тикшерде, торак пунктларның картасын төзеде. Болар һәммәсе исәп алучыларның эшен җиңеләйтү өчен башкарылды. Әлеге вакытта булган җитешсезлекләрне бетерү өстендә эш алып барыла. Шулай ук исәп алу участоклары билгеләнде, исәп алучылар исемлеге төзелде.
— Район буенча исәп алучы буларак ничә кеше җәлеп ителде? Кемнәр алар һәм аларны ничек танып булачак?
— Район буенча 16 исәп алу участогы булдырылды, 97 исәп алучыга 18 774 йорт буйлап йөреп чыгу бурычы йөкләтеләчәк. Бер исәп алучыга якынча 550 кеше туры киләчәк, ә аларның эшен 16 контролер күзәтү астында тотачак. Әйткәндәй, тиздән махсус укулар оештырылып, исәп алучылар эшнең асылына төшенәчәк.
Авыл хуҗалыгында микроисәп кампаниясендәге кебек, алар шул ук авылларда яшәүче кешеләр. Алар халыкка яхшы таныш, күбесе әле күптән түгел узган кампаниядә дә катнашты. Бу юлы да исәп алучыларга махсус кием: җанисәп символикасы булган зәңгәр жилет, шарф биреләчәк, шулай ук алар “Росстат” дип язылган сумка, планшет һәм саклану чаралары белән тәэмин ителәчәк. Иң мөһиме, алар йорт хуҗалыгына яки фатирга килгән чакта паспортын һәм шәхси таныклыгын күрсәтергә бурычлы.
— Әңгәмә өчен рәхмәт! Алда торган мөһим кампанияне уңышлы башкарып чыгарга язсын.
“Кызыл таң”ның үз хәбәрчесе Эльвира Ямалетдинова әңгәмәләште.
— Әлфия Рифовна, “Исәп алу нигә кирәк?” дигән сорау башкача тумасын һәм бу чараның мөһимле-ген ачыклау өчен агымдагы Бөтенрусия халык исәбен алу кампаниясенең максатларын җентекләбрәк аңлатып үтсәгез иде.
— Исәп алу – ул безнең корал, аның нәтиҗәләре алдагы елларга икътисади фаразларны формалаштыру өчен кулланыла. Әгәр бүген исәп алуда катнаш-масаң, иртәгә балалар бакчалары, мәктәпләр һәм дәваханәләр ни өчен шулай аз төзелә дигән сораулар бирергә кирәкми. Нәкъ менә исәп алу ярдәмендә без һәр авыл яки шәһәр халкының саны турында төгәл мәгълүмат алабыз. Җанисәп нигезендә төбәкләрнең үсеш программасы төзелә. Социаль ярдәм чараларын финанслау да шушы күрсәткечкә бәйле. Мәсәлән, алынган мәгълүматлар күпләргә яхшы таныш “Сәламәтлек саклау”, “Мәгариф”, “Демография”, “Торак һәм шәһәр мохите” кебек гомумдәүләт проектларын тормышка ашыруда аеруча файдалы булачак. Бу һәм башка проектларны тормышка ашыруда власть органнары соңгы исәп алу белешмәләренә: хуҗалык һәм гаилә әгъзаларының саны, составы, торак шартлары, туым дәрәҗәсе, милли составы, белеме кебек белешмәләргә таянып эш итә алачак.
— Соңгы тапкыр илебездә халык исәбен алу 2010 елда узган иде. Монысында нинди яңалыклар бар?
— Ул санлы технологияләр кулланылуы белән уникаль булачак. Яңа технологияләр белешмәләрне алу белән анализлауга кадәр барлык этапларда да кулланылачак. Шуның нәтиҗәсендә эшне күпкә тизрәк һәм сыйфатлырак башкарып чыгарга мөмкинлек бирәчәк.
Исәп алуда төрле юллар белән катнашырга мөмкин. Беренчесе – 15 октябрьдән 8 ноябрьгә кадәр Интернет челтәре аша “Дәүләт хезмәтләре” порталында. Моның өчен “Исәп алуны үтәргә” дигән биттә мәгълүматлар үзаллы тутырыла. Үзеңне генә түгел, гаиләңнең барлык әгъзаларын да теркәргә мөмкин. Онлайн теркәүдә катнашучы санлы код ала. Икенче юл – исәп алучылар йортлар һәм фатирлар буйлап йөреп, мәгълүматны махсус программалы планшетка кертә барачак. Әгәр дә сез исәп алуда онлайн катнашасыз икән, махсус кодны күрсәтү дә җитә. Өченче юлы да бар: кемдер исәп алучыны йортына кертәсе килмәсә, яки башка сәбәп буенча Интернет аша үзаллы теркәлмәсә, ул стационар участокка яки яшәү урыны буенча статистика бүлегенә килә ала, шулай ук дәүләт һәм муниципаль хезмәтләр күрсәтү буенча күпфункцияле үзәкләр биналарында да анкета тутырырга мөмкин булачак.
— Ничек уйлыйсыз, кырмыскалылыларның күпме өлеше исәп алуны онлайн үтәчәк?
— Әлбәттә, моңа төгәл җавап биреп булмый. Шулай да яшьләр хәзер башлыча электрон сервислардан файдалана, шуңа да алар бу эшне онлайн башкарыр, дияргә кирәк. Шул ук вакытта өлкән буын моңа әле әзер түгел, алар исәп алучыны йортларында көтәчәк.
— Кайбер кешеләр, гадәттә, үзләре турында нинди дә булса мәгълүмат бирүгә бик сак карый, салым органнарына китәчәк, дип борчыла...
— Халык санын алу конфеденциаль, алынган мәгълүмат башка органнарга һич кенә дә җибәрелми. Хәтта керем күләме турында сорау да юк, бары тик акча чыганакларының төрләрен күрсәтергә була. Бернинди документлар күрсәтергә дә кирәкми, барлык мәгълүматлар сораштырылучыларның сүзләреннән тутырылачак. Ә инде “Дәүләт хезмәтләре” порталына килгәндә, анда исемсез керү мөмкин түгел. Ләкин моннан да куркырга һәм шикләнергә кирәкми. Белешмәләр Росстат мәйданчыгына исемнәрсез күчерелә.
— Әлбәттә, 10 елга бер тапкыр үткәрелүче кампания ныклы әзерлек таләп итә. Кырмыскалы районында бу уңайдан нинди эшләр башкарылды?
— Бу зур чарага әзерлек күптән башланды. 2019 елда теркәүчеләр (регистраторлар) авыллар буйлап, урамнарны, йортларны барлап чыкты, яңаларын теркәде, йортларга номерлар куелганмы, урам исемнәре күрсәтелгәнме икәнлеген тикшерде, торак пунктларның картасын төзеде. Болар һәммәсе исәп алучыларның эшен җиңеләйтү өчен башкарылды. Әлеге вакытта булган җитешсезлекләрне бетерү өстендә эш алып барыла. Шулай ук исәп алу участоклары билгеләнде, исәп алучылар исемлеге төзелде.
— Район буенча исәп алучы буларак ничә кеше җәлеп ителде? Кемнәр алар һәм аларны ничек танып булачак?
— Район буенча 16 исәп алу участогы булдырылды, 97 исәп алучыга 18 774 йорт буйлап йөреп чыгу бурычы йөкләтеләчәк. Бер исәп алучыга якынча 550 кеше туры киләчәк, ә аларның эшен 16 контролер күзәтү астында тотачак. Әйткәндәй, тиздән махсус укулар оештырылып, исәп алучылар эшнең асылына төшенәчәк.
Авыл хуҗалыгында микроисәп кампаниясендәге кебек, алар шул ук авылларда яшәүче кешеләр. Алар халыкка яхшы таныш, күбесе әле күптән түгел узган кампаниядә дә катнашты. Бу юлы да исәп алучыларга махсус кием: җанисәп символикасы булган зәңгәр жилет, шарф биреләчәк, шулай ук алар “Росстат” дип язылган сумка, планшет һәм саклану чаралары белән тәэмин ителәчәк. Иң мөһиме, алар йорт хуҗалыгына яки фатирга килгән чакта паспортын һәм шәхси таныклыгын күрсәтергә бурычлы.
— Әңгәмә өчен рәхмәт! Алда торган мөһим кампанияне уңышлы башкарып чыгарга язсын.
“Кызыл таң”ның үз хәбәрчесе Эльвира Ямалетдинова әңгәмәләште.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27