-6 °С
Болытлы
Барлык яңалыклар
Җәмгыять
12 октябрь 2021, 09:40
“Сез — республика горурлыгы!”
Төбәк җитәкчесе Радий Хәбиров хезмәт алдынгыларына югары дәүләт бүләкләрен тапшырды.
“Сез — республика горурлыгы!”
“Бүләкләнүчеләрнең һәркайсы — республика горурлыгы һәм алар барысы да иң җылы һәм мактау сүзләренә лаек”, — диде республика Башлыгы.
Ул кайбер бүләкләнүчеләрне аерым билгеләп үтте. Әйтик, Благовещен районыннан бу көнне республиканың Мактау грамотасына лаек булган табиб-педиатр Әлфия Богданова турында ул болай диде: “Күп еллар сез табиб миссиясен лаеклы башкарасыз. 25 ел дәвамында сезнең участокта балалар үлеменең бер генә очрагы да теркәлмәде. Сезне районның барлык халкы белә һәм бик хөрмәтли”. Әлфия ханым 34 ел балалар сәламәтлеге сагында тора, аның карамагында бүген 960 сабый.
Республиканың Дәүләт җыелышы-Корылтай Секретариаты җитәкчесе урынбасары Нәүфәл Янбухтин “Башкортстан Республикасының атказанган юристы” исеменә лаек булды. Әлеге вазыйфаны ул җиде ел башкара, аңа кадәр Президент Хакимиятендә, Үзәк сайлау комиссиясендә җаваплы вазыйфаларны биләде, 23 ел студентларга хокукый белем бирде.
Шул ук көнне республика Башлыгы 47 медицина хезмәткәренә дәүләт бүләкләре тапшырды.
Радий Хәбиров белдерүенчә, әлегә җиңелмәгән пандемия шартларында нәкъ менә медицина хезмәткәрләре — безнең иң төп яклаучыларыбыз һәм өметебез. “Узган ел бөтен кешелек дөньясы өчен кырыс сынау булды, пандемия барыбызга да табиб һөнәренең аерым әһәмиятен искә төшерде. Барлык хезмәтләр, җәмәгать оешмалары, волонтерлар сезгә ярдәм итәргә тырышты. Ләкин төп йөкләнеш барыбер сезнең иңнәргә ятты”, — диде ул.
Төбәк җитәкчесе билгеләвенчә, авырулар саны арту сәбәпле безнең клиникалар яңадан тулы мобилизация режимына күчә. “Узган ел кыска вакытта ике заманча COVID-госпиталь төзедек. Ә хәзер Урал аръягында һәм республиканың көнбатышында тагын ике йогышлы авырулар дәваханәсе төзү турында уйлыйбыз. Алар безнең дәваханәләрне планлы савыктыру өчен бушатырга мөмкинлек бирәчәк”, — дип ассызыклады Радий Хәбиров.
Шул ук көнне төбәк җитәкчесе республиканың 9 медицина учреждениесе баш табибына 13 ашыгыч медицина ярдәме автомобиле ачкычларын тапшырды. Техника федераль бюджет акчалары исәбенә сатып алынган. Яңа машиналар республика ашыгыч медицина ярдәме станциясенә һәм һәлакәтләр медицинасы үзәгенә, Күмертау, Сибай, Нефтекама һәм Октябрьский дәваханәләренә, шулай ук Мәсәгуть, Иглин, Балтач һәм Белорет үзәк район дәваханәләренә юл тотачак.
“Ашыгыч ярдәм автопаркы алга таба яңартуны таләп итә. Якындагы ике-өч ел дәвамында бу эшне төгәлләячәкбез һәм кешеләргә ярдәмгә бөтен кирәкле медицина корылмалары белән җиһазландырылган заманча, уңайлы машиналар чыгачак”, — диде Радий Хәбиров.
Резеда ГАЛИКӘЕВА.
Ул кайбер бүләкләнүчеләрне аерым билгеләп үтте. Әйтик, Благовещен районыннан бу көнне республиканың Мактау грамотасына лаек булган табиб-педиатр Әлфия Богданова турында ул болай диде: “Күп еллар сез табиб миссиясен лаеклы башкарасыз. 25 ел дәвамында сезнең участокта балалар үлеменең бер генә очрагы да теркәлмәде. Сезне районның барлык халкы белә һәм бик хөрмәтли”. Әлфия ханым 34 ел балалар сәламәтлеге сагында тора, аның карамагында бүген 960 сабый.
Республиканың Дәүләт җыелышы-Корылтай Секретариаты җитәкчесе урынбасары Нәүфәл Янбухтин “Башкортстан Республикасының атказанган юристы” исеменә лаек булды. Әлеге вазыйфаны ул җиде ел башкара, аңа кадәр Президент Хакимиятендә, Үзәк сайлау комиссиясендә җаваплы вазыйфаларны биләде, 23 ел студентларга хокукый белем бирде.
Шул ук көнне республика Башлыгы 47 медицина хезмәткәренә дәүләт бүләкләре тапшырды.
Радий Хәбиров белдерүенчә, әлегә җиңелмәгән пандемия шартларында нәкъ менә медицина хезмәткәрләре — безнең иң төп яклаучыларыбыз һәм өметебез. “Узган ел бөтен кешелек дөньясы өчен кырыс сынау булды, пандемия барыбызга да табиб һөнәренең аерым әһәмиятен искә төшерде. Барлык хезмәтләр, җәмәгать оешмалары, волонтерлар сезгә ярдәм итәргә тырышты. Ләкин төп йөкләнеш барыбер сезнең иңнәргә ятты”, — диде ул.
Төбәк җитәкчесе билгеләвенчә, авырулар саны арту сәбәпле безнең клиникалар яңадан тулы мобилизация режимына күчә. “Узган ел кыска вакытта ике заманча COVID-госпиталь төзедек. Ә хәзер Урал аръягында һәм республиканың көнбатышында тагын ике йогышлы авырулар дәваханәсе төзү турында уйлыйбыз. Алар безнең дәваханәләрне планлы савыктыру өчен бушатырга мөмкинлек бирәчәк”, — дип ассызыклады Радий Хәбиров.
Шул ук көнне төбәк җитәкчесе республиканың 9 медицина учреждениесе баш табибына 13 ашыгыч медицина ярдәме автомобиле ачкычларын тапшырды. Техника федераль бюджет акчалары исәбенә сатып алынган. Яңа машиналар республика ашыгыч медицина ярдәме станциясенә һәм һәлакәтләр медицинасы үзәгенә, Күмертау, Сибай, Нефтекама һәм Октябрьский дәваханәләренә, шулай ук Мәсәгуть, Иглин, Балтач һәм Белорет үзәк район дәваханәләренә юл тотачак.
“Ашыгыч ярдәм автопаркы алга таба яңартуны таләп итә. Якындагы ике-өч ел дәвамында бу эшне төгәлләячәкбез һәм кешеләргә ярдәмгә бөтен кирәкле медицина корылмалары белән җиһазландырылган заманча, уңайлы машиналар чыгачак”, — диде Радий Хәбиров.
Резеда ГАЛИКӘЕВА.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27