-4 °С
Болытлы
Барлык яңалыклар
Җәмгыять
23 октябрь 2021, 18:59
Үткәннәрне оныкларга җиткерә ул!
Дүртөйледә районның беренче энциклопедиясенең исем туе узды.Тантана Дүртөйле шәһәренең Советлар Союзы Герое Василий Горшков исемендәге Яшьләр үзәгендә оештырылды. Энциклопедияне киң җәмәгатьчелеккә тәкъдим итү районның данлы улларының чыгышлары һәм җыр-бию белән үрелеп барды.
Үткәннәрне оныкларга җиткерә ул!
Районның тарихы, үсеш этаплары, күренекле кешеләре белән таныштыру максатына хезмәт итүче китап өстендә бихисап шәхесләр көч түккән. Аны әзерләү һәм ташка басу “Русия халыклары бердәмлеген ныгыту һәм Башкортстан Республикасының этномәдәни үсеше” дәүләт программасы кысаларында башкарылган.
Материал җыю эшенә районның барлык диярлек оешмалары һәм предприятиеләре, тарихчылар, журналистлар, китапханә, музей хезмәткәрләре, архитекторлар, фотографлар үз өлешен керткән.
– Энциклопедиянең баш мөхәррире сыйфатында Дүртөйле районы хакимияте башлыгы Риф Йосыпов үзе чыгыш ясады, ә бу саллы җыентыкны әзерләүдә бихисап шәхесләр катнашты, – ди район хакимиятенең мәгълүмат-аналитика бүлеге җитәкчесе Фәйрүзә Шәйхетдинова. – Күмәк тырышлыгыбызның җимеше бик күркәм килеп чыкты, Дүртөйленең беренче энциклопедиясен кулга алган һәркем бу җәһәттән сөенү һәм горурлык тойгысы кичерми калмагандыр.
Энциклопедиядә Дүртөйле районының данлы тарихы, үсеш этаплары, күренекле шәхесләре хакында бай мәгълүмат тупланган. Ул – туган як тарихын өйрәнүчеләр өчен генә түгел, мәктәп укучылары һәм укытучылар өчен дә менә дигән әсбап.
Энциклопедия ике өлештән тора. Аңарда алфавит тәртибендә урнаштырылган 1650 мәкалә, шул исәптән 1000 биографик белешмә бар. Китапны 900гә якын фото бизи, аларның күбесе беренче тапкыр укучы игътибарына тәкъдим ителә. Басма 1800 данә тираж белән дөнья күргән.
Энциклопедиянең беренче өлешендә Дүртөйле районы хакында гомуми мәгълүматлар тупланган: тарихи даталарга, аеруча истәлекле вакыйгаларга зур урын бирелгән.
Кереш мәкаләдә 1939 елгы халык исәбен алу мәгълүматларын да табып була.
Китапның икенче өлешендә Дүртөйле районы авыллары, шул исәптән инде картадан югалганнары хакында да, язылган. Аларның һәркайсының барлыкка килүе, үсеш тарихы, аларда нинди милләт вәкилләре яшәве турында мәгълүмат бар.
Энциклопедиянең исем туена мәртәбәле кунаклар республикабызның төрле тарафларыннан җыелды, чыгыш ясаган һәркем аның авторларына чиксез рәхмәтен белдерде.
Чараның мәртәбәле кунакларының берсе – “Башкорт энциклопедиясе” фәнни нәшрияты директоры Уелдан Сәетов Дүртөйле халкының китапны әзерләүдә актив катнашуын, чагыштырмача кыска вакыт эчендә зур күләмдәге эш башкаруын мактап телгә алды, иң-иңнәргә Рәхмәт хатлары тапшырды.
Энциклопедиянең фәнни мөхәррире Александр Сухогузов җыентыкның ничек төзелүе хакында бәян итте, аның һәр өлеше белән җентекләп таныштырды.
Дүртөйле районы хакимияте башлыгы Риф Йосыпов та тарихи китапны әзерләүгә саллы өлеш керткән шәхесләрне бүләкләде.
Чараны Башкортстанның атказанган артисты Радик Динәхмәтовның, “Моңдәрья”, “Энҗекәй”, “Бәллүр” вокаль ансамбльләренең чыгышлары бизәде.
Чара, эпидемиологик хәлне исәпкә алып, барлык хәвефсезлек таләпләрен үтәп оештырылды.
Миләүшә Латыйпова,
“Кызыл таң”ның үз хәбәрчесе.
Дүртөйле районы.
Материал җыю эшенә районның барлык диярлек оешмалары һәм предприятиеләре, тарихчылар, журналистлар, китапханә, музей хезмәткәрләре, архитекторлар, фотографлар үз өлешен керткән.
– Энциклопедиянең баш мөхәррире сыйфатында Дүртөйле районы хакимияте башлыгы Риф Йосыпов үзе чыгыш ясады, ә бу саллы җыентыкны әзерләүдә бихисап шәхесләр катнашты, – ди район хакимиятенең мәгълүмат-аналитика бүлеге җитәкчесе Фәйрүзә Шәйхетдинова. – Күмәк тырышлыгыбызның җимеше бик күркәм килеп чыкты, Дүртөйленең беренче энциклопедиясен кулга алган һәркем бу җәһәттән сөенү һәм горурлык тойгысы кичерми калмагандыр.
Энциклопедиядә Дүртөйле районының данлы тарихы, үсеш этаплары, күренекле шәхесләре хакында бай мәгълүмат тупланган. Ул – туган як тарихын өйрәнүчеләр өчен генә түгел, мәктәп укучылары һәм укытучылар өчен дә менә дигән әсбап.
Энциклопедия ике өлештән тора. Аңарда алфавит тәртибендә урнаштырылган 1650 мәкалә, шул исәптән 1000 биографик белешмә бар. Китапны 900гә якын фото бизи, аларның күбесе беренче тапкыр укучы игътибарына тәкъдим ителә. Басма 1800 данә тираж белән дөнья күргән.
Энциклопедиянең беренче өлешендә Дүртөйле районы хакында гомуми мәгълүматлар тупланган: тарихи даталарга, аеруча истәлекле вакыйгаларга зур урын бирелгән.
Кереш мәкаләдә 1939 елгы халык исәбен алу мәгълүматларын да табып була.
Китапның икенче өлешендә Дүртөйле районы авыллары, шул исәптән инде картадан югалганнары хакында да, язылган. Аларның һәркайсының барлыкка килүе, үсеш тарихы, аларда нинди милләт вәкилләре яшәве турында мәгълүмат бар.
Энциклопедиянең исем туена мәртәбәле кунаклар республикабызның төрле тарафларыннан җыелды, чыгыш ясаган һәркем аның авторларына чиксез рәхмәтен белдерде.
Чараның мәртәбәле кунакларының берсе – “Башкорт энциклопедиясе” фәнни нәшрияты директоры Уелдан Сәетов Дүртөйле халкының китапны әзерләүдә актив катнашуын, чагыштырмача кыска вакыт эчендә зур күләмдәге эш башкаруын мактап телгә алды, иң-иңнәргә Рәхмәт хатлары тапшырды.
Энциклопедиянең фәнни мөхәррире Александр Сухогузов җыентыкның ничек төзелүе хакында бәян итте, аның һәр өлеше белән җентекләп таныштырды.
Дүртөйле районы хакимияте башлыгы Риф Йосыпов та тарихи китапны әзерләүгә саллы өлеш керткән шәхесләрне бүләкләде.
Чараны Башкортстанның атказанган артисты Радик Динәхмәтовның, “Моңдәрья”, “Энҗекәй”, “Бәллүр” вокаль ансамбльләренең чыгышлары бизәде.
Чара, эпидемиологик хәлне исәпкә алып, барлык хәвефсезлек таләпләрен үтәп оештырылды.
Миләүшә Латыйпова,
“Кызыл таң”ның үз хәбәрчесе.
Дүртөйле районы.
Фото: М.Латыйпова
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27