+13 °С
Болытлы
Барлык яңалыклар
Җәмгыять
10 ноябрь 2021, 11:15
Погоннарын зур горурлык белән йөртә
Хезмәтең халык өчен файдалы булгач, аны яратып башкарасың, ди майор Азат Низаметдинов.
Погоннарын зур горурлык белән йөртә
Эчке эшләр органнары тарихында үзгәртеп корулар байтак булды: берничә тапкыр исеме алышынды, хокукый нормалар, хезмәт эшчәнлеген оештыруга таләпләр дә үзгәрде. Әмма шәхси составның хезмәт бурычларына тугрылыгы, җәмәгать тәртибен тәэмин итү, җинаятьчелеккә каршы көрәш буенча фидакарь хезмәт итүләре беркайчан да үзгәрмәде. Бүген дә полиция эше җәмәгатьчелекнең игътибары үзәгендә, көн саен хезмәткәрләрдән иң яхшы сыйфатлар: намуслылык, җаваплылык, ярдәмгә килергә әзерлек таләп ителә. Русия Эчке эшләр министрлыгының
Артур Хафизов җитәкчелегендәге Кырмыскалы районы буенча бүлегендә дә нәкъ шундый үз эшләрен төпле белүче, сайлаган һөнәрләренә тугры калучы кешеләр хезмәт итә.
Азат Низаметдинов та полициягә гаделлек, намуслылык принципларына таянып эш итәргә кирәк булачагын аңлап килә һәм бүген бу һөнәрне сайлавына бер дә үкенми. Киресенчә, погоннарны ул зур горурлык хисе белән йөртә.
Әлбәттә, нинди генә малай бәләкәй чагында “полицейский” булырга теләми икән?! Азат Әлфәт улына да, күрәсең, булачак һөнәр орлыклары кечкенәдән салынган. Әмма эчке эшләр органнарында хезмәт итү теләге аңарда күпкә соңрак, өлкән сыйныфларда укыганда көчәя. Бу вакытта ул “Кадет корпусына барыргамы, әллә Эчке эшләр министрлыгының Уфа юридик институтына укырга керергәме?” дигән сорау алдында кала.
Моны ул вакытта килеп туган кечкенә проблема уңайлы гына хәл итеп җибәрә. Мәктәптә уздырылачак чарада катнашу өчен егеткә пилотка кирәк була. Каян алырга? Шунда полиция бүлегендә эшләүче абыйсына мөрәҗәгать итә. Менә шунда килгәч, егет өчен барысы да ачыклана да инде: иң тәүдә мондагы тәртипкә игътибар итә ул. Җитәкче булып эшләүче абыйсын хезмәттәшләре басып, ихтирам күрсәтеп каршы ала. Бүлекчәдән ул бөтенләй башкача карашлы, нинди юлдан китәчәген ныклап аңлаган кеше булып чыга.
Бу һөнәр белән ныклап кызыксына башлый, фильмнар карый, физик әзерлегенә дә зур игътибар бирә. Шулай, Кырмыскалы авылының 2нче урта мәктәбен тәмамлау белән Уфа юридик институтының криминаль полиция факультеты студенты булып китә.
Укыган вакытта барысы да режим буенча, тәртип катгый була. Болар, әлбәттә, үз йогынтысын калдыра, егетне чыныктыра гына. 2011 елда туган районының эчке эшләр бүлегендә узган стажировка вакытында да үзен яхшы яктан гына күрсәтә, шуның нәтиҗәсендә эшкә чакырыла да инде. 2016 елдан җинаятьчеләрне эзәрләү бүлекчәсе начальнигы вазыйфасына тәгаенләнә.
Бүген тәҗрибәле җитәкче, полиция майорының кул астында 6 хезмәткәр — өлкән оперуполномоченныйлар Нияз Гәрәев, Вадим Кәлимуллин, оперуполномоченныйлар Вадим Кормашев, Рәфил Уразбахтин, Урал Зәйнуллин, Роберт Бәдретдинов хезмәт сала.
Белгечләр билгеләвенчә, соңгы вакытта банк карталарыннан, чит кешеләр исеменә кредит рәсмиләштереп, акчаларын урлау һәм мутлашу — иң таралган җинаятьләр исәбендә. Аларны ачыклау өчен чит төбәкләргә озайлы командировкаларга да чыгарга туры килә. Ләкин берсе дә зарланмый, бу һөнәрне алар җитди уйлап сайлаган һәм эшләрен зур теләк белән башкара. Бердәм коллективның эш нәтиҗәләре дә егетләрнең көнне-төнгә ялгап, үзләренең вакытлары белән исәпләшмичә эшләвенә ишарә булып тора. Узган ел күрсәткечләре белән чагыштырганда, хезмәткәрләрнең гомум һәм шәхси тырышлыгы белән җинаятьләр саны күпкә кимегән, кылынган җинаятьләрне ачу күрсәткечләрендә дә уңай үзгәрешләр күзәтелә.
Әлбәттә, мондый авыр хезмәтен Азат Әлфәт улының гаиләсе дә аңлап кабул итә. Ике бала тәрбияләнгән Низаметдиновлар гаиләсендә полициядә хезмәт итүгә уңай караш тәрбияләнә. Әнә улы да әтисе кайтып керү белән фуражкасын киеп, үзен булачак полиция хезмәткәре итеп хис итә. Кем белә: бәлки, ул да үсеп җиткәч әтисе юлыннан китәр. “Улыгызның бу һөнәрне сайлавына ничек карар идегез?” – дигән сорауга Азат Әлфәт улы болай дип җавап бирде:
— Эш авыр булуга карамастан, ул кешеләргә ярдәм итү, файда китерү белән бәйле, аны яратып башкарасың икән, ул зур куаныч китерә. Лаеклы хезмәт хакы алабыз, социаль гарантияләр, тотрыклылык бар. Улым шундый һөнәрне сайларга карар итсә, әлбәттә, минем яктан ул хуплау гына табачак. Чөнки минем өчен погон йөртү — зур горурлык, — ди әңгәмәдәшем.
Эльвира Ямалетдинова,
“Кызыл таң”ның үз хәбәрчесе.
Кырмыскалы районы.
Артур Хафизов җитәкчелегендәге Кырмыскалы районы буенча бүлегендә дә нәкъ шундый үз эшләрен төпле белүче, сайлаган һөнәрләренә тугры калучы кешеләр хезмәт итә.
Азат Низаметдинов та полициягә гаделлек, намуслылык принципларына таянып эш итәргә кирәк булачагын аңлап килә һәм бүген бу һөнәрне сайлавына бер дә үкенми. Киресенчә, погоннарны ул зур горурлык хисе белән йөртә.
Әлбәттә, нинди генә малай бәләкәй чагында “полицейский” булырга теләми икән?! Азат Әлфәт улына да, күрәсең, булачак һөнәр орлыклары кечкенәдән салынган. Әмма эчке эшләр органнарында хезмәт итү теләге аңарда күпкә соңрак, өлкән сыйныфларда укыганда көчәя. Бу вакытта ул “Кадет корпусына барыргамы, әллә Эчке эшләр министрлыгының Уфа юридик институтына укырга керергәме?” дигән сорау алдында кала.
Моны ул вакытта килеп туган кечкенә проблема уңайлы гына хәл итеп җибәрә. Мәктәптә уздырылачак чарада катнашу өчен егеткә пилотка кирәк була. Каян алырга? Шунда полиция бүлегендә эшләүче абыйсына мөрәҗәгать итә. Менә шунда килгәч, егет өчен барысы да ачыклана да инде: иң тәүдә мондагы тәртипкә игътибар итә ул. Җитәкче булып эшләүче абыйсын хезмәттәшләре басып, ихтирам күрсәтеп каршы ала. Бүлекчәдән ул бөтенләй башкача карашлы, нинди юлдан китәчәген ныклап аңлаган кеше булып чыга.
Бу һөнәр белән ныклап кызыксына башлый, фильмнар карый, физик әзерлегенә дә зур игътибар бирә. Шулай, Кырмыскалы авылының 2нче урта мәктәбен тәмамлау белән Уфа юридик институтының криминаль полиция факультеты студенты булып китә.
Укыган вакытта барысы да режим буенча, тәртип катгый була. Болар, әлбәттә, үз йогынтысын калдыра, егетне чыныктыра гына. 2011 елда туган районының эчке эшләр бүлегендә узган стажировка вакытында да үзен яхшы яктан гына күрсәтә, шуның нәтиҗәсендә эшкә чакырыла да инде. 2016 елдан җинаятьчеләрне эзәрләү бүлекчәсе начальнигы вазыйфасына тәгаенләнә.
Бүген тәҗрибәле җитәкче, полиция майорының кул астында 6 хезмәткәр — өлкән оперуполномоченныйлар Нияз Гәрәев, Вадим Кәлимуллин, оперуполномоченныйлар Вадим Кормашев, Рәфил Уразбахтин, Урал Зәйнуллин, Роберт Бәдретдинов хезмәт сала.
Белгечләр билгеләвенчә, соңгы вакытта банк карталарыннан, чит кешеләр исеменә кредит рәсмиләштереп, акчаларын урлау һәм мутлашу — иң таралган җинаятьләр исәбендә. Аларны ачыклау өчен чит төбәкләргә озайлы командировкаларга да чыгарга туры килә. Ләкин берсе дә зарланмый, бу һөнәрне алар җитди уйлап сайлаган һәм эшләрен зур теләк белән башкара. Бердәм коллективның эш нәтиҗәләре дә егетләрнең көнне-төнгә ялгап, үзләренең вакытлары белән исәпләшмичә эшләвенә ишарә булып тора. Узган ел күрсәткечләре белән чагыштырганда, хезмәткәрләрнең гомум һәм шәхси тырышлыгы белән җинаятьләр саны күпкә кимегән, кылынган җинаятьләрне ачу күрсәткечләрендә дә уңай үзгәрешләр күзәтелә.
Әлбәттә, мондый авыр хезмәтен Азат Әлфәт улының гаиләсе дә аңлап кабул итә. Ике бала тәрбияләнгән Низаметдиновлар гаиләсендә полициядә хезмәт итүгә уңай караш тәрбияләнә. Әнә улы да әтисе кайтып керү белән фуражкасын киеп, үзен булачак полиция хезмәткәре итеп хис итә. Кем белә: бәлки, ул да үсеп җиткәч әтисе юлыннан китәр. “Улыгызның бу һөнәрне сайлавына ничек карар идегез?” – дигән сорауга Азат Әлфәт улы болай дип җавап бирде:
— Эш авыр булуга карамастан, ул кешеләргә ярдәм итү, файда китерү белән бәйле, аны яратып башкарасың икән, ул зур куаныч китерә. Лаеклы хезмәт хакы алабыз, социаль гарантияләр, тотрыклылык бар. Улым шундый һөнәрне сайларга карар итсә, әлбәттә, минем яктан ул хуплау гына табачак. Чөнки минем өчен погон йөртү — зур горурлык, — ди әңгәмәдәшем.
Эльвира Ямалетдинова,
“Кызыл таң”ның үз хәбәрчесе.
Кырмыскалы районы.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27