+22 °С
Болытлы
Гәзиткә язылуVKOKTelegram
Барлык яңалыклар
Сәясәт
15 октябрь 2015, 21:42

Дәүләт җыелышы-Корылтай башлангычы хупланды

Дәүләт думасы депутатлары Дәүләт җыелышы-Корылтай тикшерүгә тәкъдим иткән “Коррупциягә каршы көрәш турында” Федераль законның 12нче статьясына үзгәрешләр кертү турында” закон проектын хуплады. Проект беренче укуда ук каралды һәм кабул ителде.

Закон проекты Русия субъектла­рының дәүләт гражданлык хезмәтендә вазыйфа биләүчеләр өчен тыюлар, чикләүләр, бурычлар һәм хезмәт урынында үзеңне тоту кагыйдәләре кебек нормалар кертүне тәкъдим итә.

— Без коррупциягә каршы көрәш буенча законнарны планлы рәвештә үстерәбез, андагы җаваплылыктан качу өчен файдалану мөмкин булган җитешсезлекләрдән арынабыз, — диде Дәүләт җыелышы-Корылтай Рәисе Константин Толкачев. — Үз вакытында Русия субъектларының дәүләт гражданлык хезмәткәрләре кайбер тыюлар һәм чикләүләр кулланылган дәүләт хезмәтендәгеләр исемлегеннән төшеп калган иде. Әлеге закон проекты коррупциягә каршы көрәш өлешендә дәүләт хезмәткәрләренә бердәм нормалар билгеләүне күз уңында тота.
Читайте нас: