Президентлар Сүрия һәм Украинадагы хәл, террорчылык һәм киберҗинаятьчелек мәсьәләләре, Төньяк Кореяның атом-төш программасы турында фикер алышты.
Сөйләшүләрдә катнашучы Русия тышкы эшләр министры Сергей Лавров Сүриянең көньяк-көнчыгышында 9 июльдән тынычлык урнаштыру турында килешенде, дип белдерде.
Бу — Дональд Трампның Президент булып сайланганнан соң Владимир Путин белән беренче очрашуы.
Саммит кысаларында Владимир Путин Төркия Президенты Рәҗәп Тайип Эрдоган, Франция Президенты Эммануэль Макрон, Япония Премьер-министры Синдзо Абэ, Корея Республикасы Президенты Мун Чжэ Ин, Европа комиссиясе рәисе Жан-Клод Юнкер белән очрашты.