Рәхмәт сиңа, шигърият!

Бу мәртәбәле конкурста төрле елларда катнашып, Гран-прига ия булган Айдар Зәкиев (“Кызыл таң”), Дилбәр Булатова (“Тулпар”) кебек талантлы каләм ияләре — бүген әдәбиятта үз сүзен әйтә алган, үз укучысын тапкан язучылар. Конкурсны оештыручылар Башкортстаннан быел да катнашучы барлыгын белгәч, безнең төбәкне, андагы яшь сәләтләрне мактап, хуплап телгә алды. Милләттәшләрең, бергә иҗат иткән кешеләр белән нишләп горурланмыйсың шуннан соң?!
Конкурс кысаларында бүгенге татар әдә­бия­тының билгеле шагыйрь-язучылары, драматург­лар Газинур Морат, Ләбиб Лерон, Илсөяр Икъса­нова, Марат Закир, Әлфәт Закирҗан, Рәмис Ай­мәт, Мансур Гыйләҗев, Рабит Батулла, Ркаил Зәй­дулла белән очрашулар үткәрелде, Казанның ис­тәлекле урыннарында булдык, Галиәсгар Камал театрында Фәтхи Бурнаш әсәре буенча куелган “Яшь йөрәкләр” спектаклен карадык. Бу чын-чынлап әдәби һәм иҗади мәктәп булды. Кай­чандыр бары тик әсәрләрен укыган автор­лар­­ның үзләрен күреп сөйләшү, аралашу, сорау­лар бирү, аларның теләкләрен ишетү безнең өчен бик фәһемле булды. Бу — әдәби мохиттә кайнау.
...Конкурсның соңгы көне. Анда катнашучы һәркемнең күңелендә — тынгысызлык һәм билге­сезлек. Һәм менә ул мизгел җитте: мин — Гран-при иясе! Алтын кубок һәм диплом тапшырган вакытта жюри рәисе Газинур Морат: “Бу синең ге­нә түгел, бөтен Башкортстанның олы җиңүе” — диде.
Әйе, бу чын-чынлап шулай! Рәхмәт сиңа, Казан! Рәхмәт сиңа, шигърият!