-7 °С
Болытлы
Гәзиткә язылуVKOKTikTokINSTAGRAM
Барлык яңалыклар
Төрлесеннән
23 декабрь 2014, 21:45

Сагыз аллеясы

Америкадагы Калифорния штатының Сент-Луис шәһәрендә чыннан да шундый аллея бар. Биредә сагызны стенага икенче Бөтендөнья сугышыннан соң ябыштыра башлаганнар. Башта бу шөгыльгә каршы көрәшеп карыйлар, ләкин аны туктата алмыйлар. Соңрак ул үзенчәлекле мәдәни күренешкә әйләнә. Аны заманча сәнгать төре дип санаучылар да юк түгел.

Бу гадәтне мәктәп укучылары керткән, диючеләр дә табыла. Кайберәүләр, бу үзенчәлекле аллея, аларның колледж студентлары белән ярышу нәтиҗәсе буларак, 50нче еллар азагында барлыкка килгән, дип исәпли.
21 метр озынлыктагы һәм 4,5 метр биеклектәге ике таш стенадан торган коридор төрле төстәге һәм зурлыктагы ун меңнән артык чәйнәлгән сагыз белән чуарланган. Экспозиция бик үк аппетитлы күренмәсә дә, төрле кыйтгалардан килгән туристлар, бу аллея турында ишетеп, үзләре дә шул рәвешле тарихка кереп калудан баш тартмый. Алар­ның сагызлары да өстәлгәч, стена — калыная, ә тыкрык тарая төшә.
Гашыйклар сагыз белән “Джон плюс Мэри” дигән язулар сырлап калдыра. Сәләт­лерәк­ләре исә сәнгать әсә­ренә тартым бизәк­ләр, кеше сурәтләре, чәчәкләр әвәләп ябыштыра.