Агачның кызыл төстәге суты канны хәтерләтә һәм төрле йогышлы чирләрне дәвалау өчен файдаланыла.
Бик акрын үскәнгә һәм кәүсәсендә боҗралар ясалмаганга күрә, агачның яшен билгеләү авыр. Белгечләр аңа 2500-3000 яшь тирәсе һәм ул — планетадагы иң карт үсемлек, дип исәпли. Бу гаҗәеп агачның биеклеге — 25, диаметры 10 метр, ә якынча авырлыгы 80 тонна тәшкил итә. Аны күрер өчен паркка ел саен 6 меңнән артык турист килә.
Драцена турында бик күп риваять бар. Элек утрауда яшәгән борынгы кабиләләр бу агачны изге дип санаган һәм аның янында гыйбадәт кылган, ә агач сумаласын үлгән кешеләрне бәлзәмләү өчен файдаланганнар.
Бу декоратив үсемлекнең 50 төре билгеле. Алар Африкада һәм көньяк-көнчыгыш Азия утрауларында үсә.
Экскурсияләр оештыручы гидлар, Страдивари үз скрипкасын нәкъ шушы агач сумаласыннан эшләнгән лак белән буяган, шуңа күрә ул аеруча матур яңгырый, дип исәпли.