-30 °С
Болытлы
Гәзиткә язылуVKOKTelegramЯRus
Барлык яңалыклар
Төрлесеннән
12 ноябрь 2015, 21:05

Җырларыбыз, моңнарыбыз – җан азыгы йөрәккә

Туймазыда үткән әдәби марафонга Башкортстан Язучылар берлеге рәисе урынбасары, Ш. Бабич исемендәге премия лауреаты Зөлфия Кускилдина, шагыйрьләр Муса Сираҗи, Җ. Киекбаев исемендәге премия лауреаты Гөлнур Якупова, Венер Фәттахов, Сергей Янаки, Әдәби музей һәм Милли китапханә вәкилләре Эльмира Хәйбуллина белән Лира Моратова, Башкортстан Журналистлар берлеге әгъзасы Ринат Нуретдинов килгәннәр иде. Делегация Әсхәт Мирзаһитовның каберенә чәчәкләр салды.

Арытаба кунакларны икмәк-тоз белән Туймазы шәһәренең үзәк балалар-үсмерләр модельле китапханәсендә каршы алдылар. Биредә алар районның әдәби картасын карады. Анда Әсхәт Мирзаһитов, Виктор Кочетков, Тимер Арслан, Муса Сираҗи, Наил Котдусов, Камил Җиһаншин, Суфиян Сафуанов, Гази Кашшаф кебек әдәбият әһелләре лаеклы урын алган. “түгәрәк өстәл”дә “Алтын башак” әдәби берләшмәсенә йөрүче яшь һәм тәҗрибәле язучыларның кулъязмалары тикшерелде. Бу берләшмә 1933 елдан бирле эшли, аны оештыручылар – Башкортстанның халык шагыйрьләре Рәшит Нигъмәти һәм Баязит Бикбай.
Туймазы татар дәүләт театрында рес­публиканың Әдәби марафон эстафетасын тапшыру тантанасына әдәбият сөючеләр, укытучылар, студентлар, мәктәп укучылары җыелган иде. Символик китапны Туймазы районыннан Октябрьский шәһәре кабул итеп алды.
Түбәндә “Алтын башак” әдәби бер­ләшмәсенең кайбер актив әгъзаларының шигырьләрен тәкъдим итәбез.
Читайте нас в