-6 °С
Болытлы
Барлык яңалыклар
Республика
7 июнь 2023, 17:29
“Җырларда да, шигырьләрдә дә туган як чәчәк атсын!”
Дүртөйле шәһәр китапханәсендә үткән кичә шулай аталды.Шагыйрьләргә илһам бирерлек гүзәл табигате, җырларда мактап җырларлык уңган халкы, бишек җырыдай моңлы челтерәгән чишмәләре, нефтькә бай җирләре, шаулап утырган алтын башаклы басулары белән дан тота туган җиребез. Элек-электән Дүртөйле халкы моңлылыгы, уен коралларында оста уйнавы белән аерылып торган, талантларга бай булган. Бүген дә җыр-моңга, әдәбиятка гашыйк кешеләр яши монда. Игелекле җиребез – чын мәгънәсендә, талантлар төбәге. Олуг язучыларыбыз, әдипләребез салган иҗат сукмагында үз юлларын табарга омтылучы каләм осталары әле дә аз түгел.
“Җырларда да, шигырьләрдә дә туган як чәчәк атсын!”
Күптән түгел Дүртөйле шәһәр китапханәсендә “Кече Ватан өчен файдалы эшләр елы”на багышланган “Җырларда да”, шигырьләрдә дә туган як чәчәк атсын!” дип аталган кичә узды. Анда язучылар, “Дулкын” әдәби-иҗат берлеге әгъзалары, әдәбиятка омтылучы, яңа башлап каләм тибрәтүчеләр, Дүртөйле шәһәренең 4нче мәктәбе укучылары катнашты.
Кичәне “Әллүки” халык фольклор ансамбле әгъзалары Әнисә Хакова, Зәвилә Шәрифуллина, Римма Тимербаева, Рәйсә Рәхимҗанова, Рәзилә Солтанова Вил Казыйханов сүзләренә Мөфтәдин Гыйләҗев язган “Дүртөйле җыры” белән ачып җибәрделәр.
Башкортстанның һәм Русиянең Язучылар берлекләре, Халыкара әдәбият фонды әгъзасы Рафаил Хафизов һәм язучы, журналист, туган якны өйрәнүче, Башкортстанның атказанган матбугат һәм киңкүләм мәгълүмат хезмәткәре Илдус Тимерханов кичәнең хөрмәтле кунаклары булды. Алар һәм Яңа Биектау авылында яшәүче 8 китап авторы Флүрә Газизова, Башкортстанның һәм Русиянең Журналистлар берлекләре әгъзасы Әнисә Ягафәрова тамашачылар хозурына тирән эчтәлекле чыгышларын тәкъдим итте.
Каләм осталары укучыларны әдәбиятны яратырга өндәде, үзләренең фәлсәфи һәм туган якка зур мәхәббәт белән сугарылган шигырьләрен укыды.
Кичәне оештыручы һәм алып баручы Алсу Әхмәтова бай китап күргәзмәсенә күзәтү ясады, “Туган ягым” дигән мавыктыргыч сорау – җавап уенын бик күңелле үткәрде. Дүртөйле шәһәренең борынгы тарихыннан башлап, бүгенге көнгә кадәр яшәеше, билгеле, данлы шәхесләре турында сораулар яңгырады. Балалар аларга зур теләк белән җавап бирде. Яшь буын вәкилләренең район тарихын, геройларыбызны, районыбыздан чыккан шагыйрьләр, язучылар, жырчылар, композиторларны белүләре бик шатландырды.
Зәвилә Шәрифуллинаның татар халык җыры “Илкәем”не моңлы итеп җырлавы, Радик Хәйруллинның баянда өздерүе, Рәсимә Сәмигуллинаның думбырада уйнавы күңелләргә бик хуш килде.
Кичәнең икенче өлешендә “Дулкын” әдәби-иҗат берләшмәсенең җитәкчесе Алсу Әхмәтова үзешчән язучылар һәм аларның иҗаты белән кыскача таныштырды. “Дулкын” әгъзалары итеп кабул итәргә тәкъдим ясады. Яңа башлап каләм тибрәтүчеләр Зәһүрә Әбелкарамова, Рәзилә Солтанова, Зәмирә Миронова, Эльвира Шәрипова, Илсөяр Садрыева туган якка багышлап язган иҗат җимешләре белән таныштырды. Зәлия Сәгыйдуллина башкаруында үзе язган җыры “Илешкәем” яңгырады.
Остазларның каләм тибрәтүчеләргә шигърият кануннары хакында аңлаешлы итеп сөйләве, нәрсәләргә игътибар итәргә кирәклекне ассызыклавы, иҗат җимешләребезгә дөрес бәя бирүе, киңәшләре бик файдалы булды.
Кичә һәркемгә күркәм тәэссоратлар бүләк итте.
Илсөяр Садрыева.
Дүртөйле шәһәре.
Кичәне “Әллүки” халык фольклор ансамбле әгъзалары Әнисә Хакова, Зәвилә Шәрифуллина, Римма Тимербаева, Рәйсә Рәхимҗанова, Рәзилә Солтанова Вил Казыйханов сүзләренә Мөфтәдин Гыйләҗев язган “Дүртөйле җыры” белән ачып җибәрделәр.
Башкортстанның һәм Русиянең Язучылар берлекләре, Халыкара әдәбият фонды әгъзасы Рафаил Хафизов һәм язучы, журналист, туган якны өйрәнүче, Башкортстанның атказанган матбугат һәм киңкүләм мәгълүмат хезмәткәре Илдус Тимерханов кичәнең хөрмәтле кунаклары булды. Алар һәм Яңа Биектау авылында яшәүче 8 китап авторы Флүрә Газизова, Башкортстанның һәм Русиянең Журналистлар берлекләре әгъзасы Әнисә Ягафәрова тамашачылар хозурына тирән эчтәлекле чыгышларын тәкъдим итте.
Каләм осталары укучыларны әдәбиятны яратырга өндәде, үзләренең фәлсәфи һәм туган якка зур мәхәббәт белән сугарылган шигырьләрен укыды.
Кичәне оештыручы һәм алып баручы Алсу Әхмәтова бай китап күргәзмәсенә күзәтү ясады, “Туган ягым” дигән мавыктыргыч сорау – җавап уенын бик күңелле үткәрде. Дүртөйле шәһәренең борынгы тарихыннан башлап, бүгенге көнгә кадәр яшәеше, билгеле, данлы шәхесләре турында сораулар яңгырады. Балалар аларга зур теләк белән җавап бирде. Яшь буын вәкилләренең район тарихын, геройларыбызны, районыбыздан чыккан шагыйрьләр, язучылар, жырчылар, композиторларны белүләре бик шатландырды.
Зәвилә Шәрифуллинаның татар халык җыры “Илкәем”не моңлы итеп җырлавы, Радик Хәйруллинның баянда өздерүе, Рәсимә Сәмигуллинаның думбырада уйнавы күңелләргә бик хуш килде.
Кичәнең икенче өлешендә “Дулкын” әдәби-иҗат берләшмәсенең җитәкчесе Алсу Әхмәтова үзешчән язучылар һәм аларның иҗаты белән кыскача таныштырды. “Дулкын” әгъзалары итеп кабул итәргә тәкъдим ясады. Яңа башлап каләм тибрәтүчеләр Зәһүрә Әбелкарамова, Рәзилә Солтанова, Зәмирә Миронова, Эльвира Шәрипова, Илсөяр Садрыева туган якка багышлап язган иҗат җимешләре белән таныштырды. Зәлия Сәгыйдуллина башкаруында үзе язган җыры “Илешкәем” яңгырады.
Остазларның каләм тибрәтүчеләргә шигърият кануннары хакында аңлаешлы итеп сөйләве, нәрсәләргә игътибар итәргә кирәклекне ассызыклавы, иҗат җимешләребезгә дөрес бәя бирүе, киңәшләре бик файдалы булды.
Кичә һәркемгә күркәм тәэссоратлар бүләк итте.
Илсөяр Садрыева.
Дүртөйле шәһәре.
Автор фотосы.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27