Икеләнергә вакыт калмады

Мәгълүм булуынча, быел чәчүлек мәйданнары узган елдагыдан 56 мең гектарга арттырылып, 3 миллион 150 мең гектарга җитәчәк. Шуның 2 мил­лион 46 мең гектарын сабан ашлыгы культуралары биләя­чәк, дип планлаштырыла. Билгеле ки, куелган максатка ирешүдә Хөкүмәт ярдәменең ни дәрәҗәдә булуы мөһим. Русия Хөкүмәтенең узган елның сентябрендәге карарына ярашлы, федераль бюджеттан төбәк­ләргә акча бары тик алар үзләре кабул иткән күр­сәткеч­ләргә ирешкән оч­ракта гына бирелә. План­лаштырылган инди­каторлар үтәл­мәгәндә, төбәк­ләр федераль казна биргән средствоны үз бюджеты исә­беннән кай­тарырга тиеш булачак. Димәк, Башкортстан аграрийлары кабул ител­гән Дәүләт программа­сындагы һәр күрсәткеч өчен көрә­шергә тиеш дигән сүз. Һәм бу быелгы язгы кампания алдыннан җаваплылыкны тагын да көчәйтергә кирәк­легенә басым ясый.
— Авыл хуҗалыгы җи­тештерүендә респуб­ли­каның көньяк урман-дала зонасына игътибарны күбрәк бирүебез очраклы түгел, — диде кон­ферен­ция­дәге чыгы­шында Хө­күмәт Премьер-министры урынбасары Илдар Тимергалин. — Узган елда тулай авыл хуҗа­лыгы про­дукциясе җи­тештерү­нең 28 проценты әлеге зонага караган 11 районга туры килде. Шулай ук, ашлык­ның — 30, көн­багышның — 25, бә­рәңге һәм яшел­чәнең 23 про­центы алар өле­шенә туры килә. Би­редә игенчелек һәм тер­лек­че­лекне яңа тех­ноло­гияләр нигезендә үстерү мөмкин­леге зур. Әлеге вакытта республикадагы сыер ма­лының — 30, сөт җитеш­терүнең 26 процен­ты көньяк урман-дала зонасы районнарына туры килә. Үткән елда аграр тармакка бүленгән сумма­ның өчтән бер өлеше, ягъни 2 миллиард сум чамасы акча­ның шушы зонага караган районнарга бирелүе, шулай ук сезгә, ярдәм бе­лән бер­рәттән, таләпләр­нең дә көчлерәк булуын күрсәтә.