Зур җиңүләр эшкә бирелгәннән килә

Ярмәкәй районы аграрийлары җаваплы кампанияне җитди әзерлек белән башлады.Районда чәчү эшләре елдагыдан алда тәмамланды, уңайлы һава шартлары мал азыгы хәзерләүгә дә ярдәм итәр, дип өметләнәләр биредә. “Яшел урак” алдыннан фикер алышу, мөмкинлекләрне барлау максатында, район аграрийлары киңәшмәгә җыелды. Анда Башкортстанның авыл хуҗалыгы министры урынбасары Раил Афзалов, район хакимияте башлыгы Илшат Райманов, авыл хуҗалыгы идарәсе белгечләре һәм хуҗалык җитәкчеләре катнашты.

Ярмәкәй районында быел чәчү эшләре 55 мең гектарда үткәрелгән. Районда авыл хуҗалыгы продукциясе җитештерү күләмен арттыру бурычы куелган, моның өчен шартлар тудырыла. Былтыргы белән чагыштырганда, басуларга шактый күбрәк күләмдә минераль ашлама кертелгән. Шикәр чөгендере мәйданнары 19 процентка арттырылган.

Семинар “Байрак” хуҗалыгында оештырылды. Ул районда иң эреләрдән санала, биредә, “500 ферма” республика максатлы программасы кысаларында, терлекчелекне үстерүгә зур игътибар бирелә. Хуҗалыкта 400 баш сыер малы, шул исәптән 185 савым сыеры асрала. Терлекчелекне үстерүгә мөмкинлекләр арта – 200 баш мал асрала торган ферма биналарына капиталь ремонт үткәрелгән, терлекчеләр өчен уңайлы эш шартлары тудырылган, моның өчен 2 “Беларусь” тракторы, азык тарату, сөт үткәрү, 1800 литр сөтне суыту корылмалары булдырылган, кара-чуар токымлы таналар сатып алынган. Әлеге максатта 7 миллион сумнан артык акча тотынылган.

Хуҗалыкта бөртеклеләр һәм мал азыгы культураларыннан алынган уңыш терлекчелекне үстерүгә зур йогынты ясавын яхшы беләләр. Шуңа да семинар кәҗә үләне басуыннан башланды. Биредә катнашучылар игътибарына мал азыгы хәзерләүдә яңа техника мөмкинлекләре, “яшел конвейер” мөмкинлекләре күрсәтелде.

Семинарда катнашучылар сөтчелек фермасында булды. Монда сыер маллары асрау мөмкинлекләре каралды, сенаж һәм силос салу буенча тәҗрибә алышу булды.

Киңәшмәнең пленар өлешендә төп доклад белән районның авыл хуҗалыгы идарәсе җитәкчесе Әхияр Ханнанов чыгыш ясады. Авыл хуҗалыгы өлкәсендә зур тәҗрибә туплаган җитәкченең мал азыгы хәзерләүнең терлекчелекне үстерүдәге роле турындагы фикерләре зур кызыксыну уятты. Әхияр Газдәли улы район хуҗалыклары җитәкчеләренә мөрәҗәгать итеп, әлеге шартларда җитештерү күрсәткечләрен яхшырту, һәр сыердан 6 мең килограмм сөт савып алырга барлык мөмкинлекләр дә булуын ассызыклады. Аның фикеренчә, мал азыгы хәзерләүдә вакыт аралыгын саклау мөһим, әгәр аны ычкындырдыңмы – азык сыйфатына өмет итмә. Иң мөһиме – бу кышлату чорында продукциянең үзкыйммәтенә дә йогынты ясый.

Семинарда катнашучылар башка авыл хуҗалыгы белгечләре киңәшләрен дә зур кызыксыну белән тыңлады.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27