+16 °С
Болытлы
Барлык яңалыклар
Авыл хуҗалыгы
1 ноябрь 2021, 11:26
Хөрмәт – уңганнарга!
Көз — авыл эшчәннәре өчен ирешелгәннәрне барлау чоры: басулардан күпме ашлык җыелып, бураларга салынган, никадәр сөт, ит җитештерелгән, малларны тук кышлату өчен азык җитәрлек күләмдә тупланганмы, киләсе ел уңышына нинди нигез салынган? Ә менә көзге уңыш бәйрәме – ул ел әйләнәсенә хәләл тирен түгеп хезмәт салучы басу батырларына һәм терлекчеләргә зур хөрмәт билгесе. Бу бәйрәмне яхшы кәеф белән каршылаучылар арасында Дүртөйле районының Хәниф Вәлиев исемендәге токымчылык заводы эшчәннәре дә бар.
Хөрмәт – уңганнарга!
— Ел игенчелек өчен бик авыр килде, — ди хуҗалык җитәкчесе Раил Гәрәев. — Коры һәм эссе һава шартлары чәчүлек мәйданнарына зур зыян салды. Әмма басу уңганнары, бернинди авырлыкларга карамастан, уңыш алу өчен барлык көчен салып хезмәт куйды.
Раил Фаат улы әйтүенчә, быел хуҗалыкта тулай җыем 50888 центнер тәшкил иткән, бөртекле һәм кузаклы культураларның һәр гектарыннан 14,6 центнер ашлык җыелган. Киләсе ел уңышы өчен таләп ителгән күләмдә орлык салынган. Мал азыгы хәзерләү кампаниясе авырлык белән барса да (яңгыр булмау сәбәпле, үләннәр көтелгән масса бирмәгән), терлекчелек тармагы азык белән былтыргыдан ким булмаган күләмдә тәэмин ителгән.
— Быел 1050 центнер печән, 44210 центнер сенаж, 43210 центнер силос хәзерләнде, — диде хуҗалык рәисе. — Кукурузны 308 гектарда үстердек, аның һәр гектарыннан 199 центнер яшел масса җыеп алынды.
Күпчелек хуҗалыклар кебек, биредә дә көндәлек табышны малчылык тармагыннан алалар. Сөт сатудан узган тугыз айда керем 57 миллион сумнан арткан. Сөт җитештерүнең рентабельлелеге 41 процент тәшкил иткән. Ә, гомумән, авыл хуҗалыгы продукциясе сатудан хуҗалык 119 миллион сум табыш алган.
Хуҗалыкта бүген 140 кеше хезмәт сала. Комбайнчылар Александр Чернышев, Алмаз Сәгадиев, Фәрит Асылгәрәев, Раил Асылгәрәев, Дамир Хәбибуллин, Айрат Әхмәтшин, йөк машиналары водительләре Ленар Сәгадиев, Илсур Хәкимов, Әнәс Сәрвәров, Ришат Ситдыйков, савучылар Әлфия Рәхимова, Зөлфирә Гайсина, Рәфия Сәмигуллина, Раушания Вәлиева югары нәтиҗәләргә ирешә.
– Хуҗалыгыбызда өч сөтчелек, бер мал симертү фермасы эшли, — дип бәян итте токымчылык заводында 31 ел намуслы эшләүче терлекче Ләйсән Галләмова. — Аларда 2340 баш мал, шул исәптән 700 савым сыеры асрала. Сөтне бары тик югары сорт белән генә сатабыз.
Ләйсән Тәлгать кызы — Күчергеч авылы кызы. Туган авылын ярату хисе аны гомерлеккә бирегә бәйләгән. Ул үзе үскән йортның ямен саклап, әти-әнисенең нигезендә матур итеп дөнья көтә. Хәниф Вәлиев хуҗалыгында сыерларны ясалма орлыкландыру операторы булып эшли. Районда гына түгел, республика күләмендә үткәрелгән һөнәри осталык бәйгеләре җиңүчесе ул.
— Эштән курыкмасаң, авыл җирендә дә күркәм яшәп була, — ди Ләйсән ханым.
Яшь белгеч Руслан Фәйзрахманов та, туган авылында төпләнергә карар итеп, аның киләчәге өчен янып яшәүчеләрдән. Кушнаренко авыл хуҗалыгы техникумын, Башкорт дәүләт аграр универститетын тәмамлаган, башта бригадир булып эшләгән, менә хәзер ике ел инде баш агроном вазыйфасында.
— Хатыным Регина да хуҗалыкта эшли, ике бала үстерәбез. Йорт салып, башка чыктык, — диде Руслан Альфрид улы. — Шунысы сөенечле: хуҗалыгыбызда яшь гаиләләр бихисап, димәк, авылыбызга картаю янамый әле.
Токымчылык заводы рәисе Раил Гәрәев — үзе дә районда иң яшь җитәкчеләрнең берсе. Әтисе Дүртөйле районының “Чишмә” хуҗалыгында гомер буе намуслы хезмәт салган, фидакарь эшчәнлеге өчен дәүләт бүләкләренә лаек булган. Улы күңелендә дә туган ягына, авыл хуҗалыгы тармагына кечкенәдән сөю, ихтирам уята ул. Шуңа Раил, мәктәп тәмамлагач, Кушнаренко авыл хуҗалыгы техникумына укырга керә, аннары Башкорт дәүләт аграр университетында белем ала, агроном дипломына ия була.
— 2003 елда туган “Чишмә” хуҗалыгымда хезмәт юлымны башладым, — дип бәян итте җитәкче. — Ул вакытта “Чишмә” җәмгыяте белән тәҗрибәле, бар булмышы белән туган җиргә тугры Кәрим Рәкыйпов идарә итә иде. Хуҗалыкны яшь белгечләр белән баету өчен күп көч салды ул. Аның тырышлыгы белән шул чорда “Чишмә”гә, Башкорт дәүләт аграр университетын тәмамлап, бер төркем яшьләр кайтты. Алар арасында мин дә бар идем. Кәрим Ти-мерзаһит улы безгә уңайлы эш шартлары тудырды, күпләргә, махсус программага кереп, йорт салырга ярдәм итте.
...Хуҗалыкта уңыш бәйрәме югары дәрәҗәдә оештырылган иде: хезмәт алдынгылары сәхнә түренә чакырып бүләкләнде, алар хөрмәтенә Башкортстанның халык артисты Әнвәр Нургалиев иң дәртле җырларын башкарды.
Шул ук вакытта...
Быел Дүртөйле районы игенчеләре 37123 гектарда бөртекле культуралар үстергән, тулай җыем — 54500 тонна. Һәр гектар уртача 16 центнер уңыш биргән. Көнбагыш мәйданнары арттырылып, әлеге культура 1800 гектарда игелгән, аның уңышы гектарыннан 25,2 центнер тәшкил иткән.
Миләүшә Латыйпова,
“Кызыл таң”ның үз хәбәрчесе.
Дүртөйле районы.
Раил Фаат улы әйтүенчә, быел хуҗалыкта тулай җыем 50888 центнер тәшкил иткән, бөртекле һәм кузаклы культураларның һәр гектарыннан 14,6 центнер ашлык җыелган. Киләсе ел уңышы өчен таләп ителгән күләмдә орлык салынган. Мал азыгы хәзерләү кампаниясе авырлык белән барса да (яңгыр булмау сәбәпле, үләннәр көтелгән масса бирмәгән), терлекчелек тармагы азык белән былтыргыдан ким булмаган күләмдә тәэмин ителгән.
— Быел 1050 центнер печән, 44210 центнер сенаж, 43210 центнер силос хәзерләнде, — диде хуҗалык рәисе. — Кукурузны 308 гектарда үстердек, аның һәр гектарыннан 199 центнер яшел масса җыеп алынды.
Күпчелек хуҗалыклар кебек, биредә дә көндәлек табышны малчылык тармагыннан алалар. Сөт сатудан узган тугыз айда керем 57 миллион сумнан арткан. Сөт җитештерүнең рентабельлелеге 41 процент тәшкил иткән. Ә, гомумән, авыл хуҗалыгы продукциясе сатудан хуҗалык 119 миллион сум табыш алган.
Хуҗалыкта бүген 140 кеше хезмәт сала. Комбайнчылар Александр Чернышев, Алмаз Сәгадиев, Фәрит Асылгәрәев, Раил Асылгәрәев, Дамир Хәбибуллин, Айрат Әхмәтшин, йөк машиналары водительләре Ленар Сәгадиев, Илсур Хәкимов, Әнәс Сәрвәров, Ришат Ситдыйков, савучылар Әлфия Рәхимова, Зөлфирә Гайсина, Рәфия Сәмигуллина, Раушания Вәлиева югары нәтиҗәләргә ирешә.
– Хуҗалыгыбызда өч сөтчелек, бер мал симертү фермасы эшли, — дип бәян итте токымчылык заводында 31 ел намуслы эшләүче терлекче Ләйсән Галләмова. — Аларда 2340 баш мал, шул исәптән 700 савым сыеры асрала. Сөтне бары тик югары сорт белән генә сатабыз.
Ләйсән Тәлгать кызы — Күчергеч авылы кызы. Туган авылын ярату хисе аны гомерлеккә бирегә бәйләгән. Ул үзе үскән йортның ямен саклап, әти-әнисенең нигезендә матур итеп дөнья көтә. Хәниф Вәлиев хуҗалыгында сыерларны ясалма орлыкландыру операторы булып эшли. Районда гына түгел, республика күләмендә үткәрелгән һөнәри осталык бәйгеләре җиңүчесе ул.
— Эштән курыкмасаң, авыл җирендә дә күркәм яшәп була, — ди Ләйсән ханым.
Яшь белгеч Руслан Фәйзрахманов та, туган авылында төпләнергә карар итеп, аның киләчәге өчен янып яшәүчеләрдән. Кушнаренко авыл хуҗалыгы техникумын, Башкорт дәүләт аграр универститетын тәмамлаган, башта бригадир булып эшләгән, менә хәзер ике ел инде баш агроном вазыйфасында.
— Хатыным Регина да хуҗалыкта эшли, ике бала үстерәбез. Йорт салып, башка чыктык, — диде Руслан Альфрид улы. — Шунысы сөенечле: хуҗалыгыбызда яшь гаиләләр бихисап, димәк, авылыбызга картаю янамый әле.
Токымчылык заводы рәисе Раил Гәрәев — үзе дә районда иң яшь җитәкчеләрнең берсе. Әтисе Дүртөйле районының “Чишмә” хуҗалыгында гомер буе намуслы хезмәт салган, фидакарь эшчәнлеге өчен дәүләт бүләкләренә лаек булган. Улы күңелендә дә туган ягына, авыл хуҗалыгы тармагына кечкенәдән сөю, ихтирам уята ул. Шуңа Раил, мәктәп тәмамлагач, Кушнаренко авыл хуҗалыгы техникумына укырга керә, аннары Башкорт дәүләт аграр университетында белем ала, агроном дипломына ия була.
— 2003 елда туган “Чишмә” хуҗалыгымда хезмәт юлымны башладым, — дип бәян итте җитәкче. — Ул вакытта “Чишмә” җәмгыяте белән тәҗрибәле, бар булмышы белән туган җиргә тугры Кәрим Рәкыйпов идарә итә иде. Хуҗалыкны яшь белгечләр белән баету өчен күп көч салды ул. Аның тырышлыгы белән шул чорда “Чишмә”гә, Башкорт дәүләт аграр университетын тәмамлап, бер төркем яшьләр кайтты. Алар арасында мин дә бар идем. Кәрим Ти-мерзаһит улы безгә уңайлы эш шартлары тудырды, күпләргә, махсус программага кереп, йорт салырга ярдәм итте.
...Хуҗалыкта уңыш бәйрәме югары дәрәҗәдә оештырылган иде: хезмәт алдынгылары сәхнә түренә чакырып бүләкләнде, алар хөрмәтенә Башкортстанның халык артисты Әнвәр Нургалиев иң дәртле җырларын башкарды.
Шул ук вакытта...
Быел Дүртөйле районы игенчеләре 37123 гектарда бөртекле культуралар үстергән, тулай җыем — 54500 тонна. Һәр гектар уртача 16 центнер уңыш биргән. Көнбагыш мәйданнары арттырылып, әлеге культура 1800 гектарда игелгән, аның уңышы гектарыннан 25,2 центнер тәшкил иткән.
Миләүшә Латыйпова,
“Кызыл таң”ның үз хәбәрчесе.
Дүртөйле районы.
Фото: М.Латыйпова
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27