+17 °С
Болытлы
Гәзиткә язылуVKOKTelegram
Барлык яңалыклар
Сәламәтлек саклау
27 октябрь 2016, 02:00

Ботулинотерапия дә дәвалый

Ботулинотерапия – төрле авыруларны ботулотоксин белән дәвалау ысулы. Ботулотоксин мускулларга нерв-паралитик йогынты ясый һәм катлаулылыклар китереп чыгара. Ләкин препаратны “кирәкле” мускулларга гына керткәндә, ботулотоксин аларны йомшарта һәм тынычландыра. Моны авырту һәм спазмнар булган авыруларда кулланырга була.. Халык телендә бу препарат ешрак “Диспорт”, яки “Ботокс”, сирәгрәк “Ксеомин” дип йөртелә.

Ботулинотерапия ысулы дөньяда 30 елдан артык кулланыла. Препарат югары хә­вефсезлек дәрәҗәсе һәм нәти­җәлелеге белән билгеле. Мускул спазмнары безнең тәннең төрле урыннарында булырга мөмкин: кул, аяк, муен яисә бит. Препарат шприц ярдәмендә билгеле бер кү­ләмдә кертелә. Бераз вакыттан мускуллар йомшаруы күзәтелә һәм авырту басыла.

Бу ысул нерв системасы авырулары очрагында киң кулланыла: инсульт нәтиҗәләре, баш мие җәрәхәтләре, мускуллар дистониясе, балалар церебраль параличы, мигрень һәм башкалар. Бу авырулар­ның күбесендә хә­рәкәтләнүнең авырлашуы кү­зәтелә. Бит мускуллары тартышу, күзләр ачыл­мау, муенның бер якка борылып торуы кешеләрдә стресс һәм күңелсезлекләр китереп чыгара. Кызганычка каршы, күп пациентлар нәтиҗәсе аз бул­ган, кайвакыт бөтенләй файдасыз препаратлар белән дәвалана. Ә бит мондый очракларда бүген иң нәтиҗәле булып ботулотоксин препараты тора.

Бүген ботулинотерапия белән дәвалау мөмкин булган авырулар исемлеге киңәя бара. Нев­рологиядә генә түгел, ул хәзер урология, стоматология, офтальмология, орто­педиядә дә кулланыла. Косме­тологиядә дә бик популяр – яшәртү процедурасы өчен бик нәтиҗәле.

Башкортстанда бу ысул 2000 еллардан башлап кулланыла. Куватов исемендәге Республика клиник дәваханә­сендә ботулинотерапия кабинеты эшли. Кызганычка каршы, инвалидлык группасында булганнар гына ботулотоксин белән бушлай дә­вала­нырга хокуклы. Ләкин әлеге препаратка мохтаҗлар күбрәк. Бу даруның инъекциясен алганнар күп очракта хезмәтләрен дәвам итә ала. Уколлар дәва­ханә поликлиникасында амбулатор эшләнә.

Роберт Ибәтуллин,
Куватов исемендәге
Республика клиник дәваханәсе неврологы, БДМУның неврология
кафедрасы доценты.
Читайте нас: