+12 °С
Яңгыр
Барлык яңалыклар
Сәламәтлек саклау
22 июнь 2021, 11:00
“Вакциналанырга!”
Башкортстанда 2 июльгә дәүләт хезмәткәрләренең 60 проценты коронавируска каршы прививка ясатырга тиеш.
Башкортстанда 2 июльгә дәүләт хезмәткәрләренең 60 проценты коронавируска каршы прививка ясатырга тиеш.
Башкортстан Башлыгы Радий Хәбиров кичәге оператив киңәшмәдә үз Хакимияте җитәкчесе Александр Сидякинга төбәктә вакциналану белән бәйле аңлату эшен яхшырак оештыру үтенече белән мөрәҗәгать итте. Радий Хәбиров билгеләп үтүенчә, хәзерге вакытта кешеләр аңында “карагруһчылык” хөкем сөрә.
“Мин инде күп тапкыр җәмәгать аңында, пабликларда карагруһчы кәефләрнең артуына инандым. Аларны башкача атый алмыйм. Кешеләргә без сораган нәрсәнең асылын аңлатырга кирәк. Без моны үзебез өчен түгел, алар өчен эшлибез. Без әлегә бу идеологик бәхәстә җиңеләбез. Бу максатчан эш булырга тиеш”, — дип белдерде Радий Хәбиров.
Төбәк җитәкчесе эшкә Фәннәр академиясен, медицина университетының абруйлы галимнәре коллективын, табибларны җәлеп итәргә кушты. “Без бу кара уйларны җиңәргә тиеш”, — диде ул.
Республика Башлыгы COVID-19дан вакциналанучылар санын арттыру өчен күрелүче чаралар турында белдерде. Аның сүзләренә караганда, хәзерге вакытта төбәк җитәкчелеге мәҗбүри вакциналауны кертергә җыенмый, ләкин авыру бик тиз үсеш күрсәтә һәм бу барыбер чаралар күрергә мәҗбүр итә.
“Без барлык традицион чараларны да көчәйтергә тиеш: социаль дистанция, битлек режимы. Барыбыз да аңлыйбыз, чирдән котылуның төп коралы — вакциналану. Без аны көчәйтү өчен берничә чара күрдек... Мин санамадым, әмма Русия Федерациясенең унлап төбәгендә мәҗбүри вакциналану игълан ителде. Хәзерге вакытта безнең республикада бу ихтыяҗ юк — бу беренчедән. Икенчедән — мин мәҗбүри вакциналану игълан итәргә телә-мәс идем, бик тә теләмәс идем. Бу — һәр кешенең шәхси эше. Тик әгәр дә бездәге хәлләр мәҗбүр итә икән, без моңа бара алабыз. Әмма әлегә бу юк, якын киләчәктә көтелмәс дип өметләнәм”, — диде республика Башлыгы.
Башкортстан халкына һәм кунакларына кешеләр күпләп җыела торган урыннарда, шул исәптән мәйданнарда, паркларда, скверларда, аллеяларда булудан тыелырга кирәк. Учреждениеләрдә (әйтик, кафеларда, рестораннарда) хезмәтләрне бары тик түбәндәге документларның берсе булганда гына алырга мөмкин булачак:
Дәүләт хезмәте аша алынган вакциналануны узу турында сертификат (ике компонентны да кертү турында);
вакциналану узу турында медицина оешмасы белешмәсе, шул исәптән беренче компонент белән;
коронавируска каршы вакцина ясатуга каршы күрсәткечләр булу турында медицина оешмасы белешмәсе;
коронавируска тестның тискә-ре нәтиҗәсе турында белешмә, бирелгән көннән алып өч тәүлек дәвамында гамәлдә.
25 июньгә кадәр республикада дәүләт хезмәткәрләренең —кимендә 30 проценты, ә 2 июльгә 60 проценты вакциналанырга тиеш. “Бу минем үз таләбем”, — диде Радий Хәбиров.
Башкортстан Башлыгы белдерүенчә, быел республиканың барлык мәктәпләрендә чыгарылыш кичәләре узачак. “Без аларны уздырачакбыз. Бу — кеше тормышында бер генә тапкыр була торган мөһим вакыйга. Һәр белем бирү учреждениесе бәйрәм форматы турында үзаллы рәвештә карар кабул итәчәк”, — диде Радий Хәбиров.
Ул Башкортстанның мәгариф министры Айбулат Хаҗинга вакыйга алдыннан мәктәп директорларын җыярга, санитар-эпидемиологик таләпләрнең үтәлеше турында аңлатырга һәм искәртергә кушты.
“Вакцина белән өзеклекләр килеп чыкмасын өчен Русиянең Сәламәтлек саклау министрлыгы белән актив эш алып барырга кирәк”, дигән йөкләмә бирде Радий Хәбиров. “Безнең районнарда вакциналау төрлечә алып барыла. Кайдадыр вакцинаны актив ясатмыйлар икән, ресурсларны, вакциналарны актив булган районнарга күчерергә, бик оператив эшләргә кирәк”, — дип ассызыклады республика Башлыгы.
Республикага барлыгы 491 040 доза вакцина кайтты. Беренче компонент белән 434 699 кеше вакциналанган, ягъни алынган вакциналарның — 88,5 проценты. 345022 кеше вакцинаның ике компонентын алган. Соңгы ике көндә вакциналау 28 процентка арткан. Вакцина ясатуның мобиль пунктларына кешеләр 8-10 тапкыр күбрәк килә башлаган.
Сәламәтлек саклау министры вазыйфаларын башкаручы Гөлнара Зиннурова мәгълүматларына караганда, узган тәүлек эчендә коронавирус белән авыруның — 108, барлыгы 40 191 авыру очрагы теркәлгән. Стационарда 200 пациент дәвалана, 27 кеше – авыр хәлдә, 2се — ИВЛда. Амбулатор рәвештә 1 456 пациент дәвалана. Йогышлы авыруга каршы ун госпитальдә 1 420 койка җәелдерелгән. Тәүлек эчендә коронавирустан дүрт кеше вафат булган, аларның саны 566га җитте.
Резеда ГАЛИКӘЕВА.
Башкортстан Башлыгы Радий Хәбиров кичәге оператив киңәшмәдә үз Хакимияте җитәкчесе Александр Сидякинга төбәктә вакциналану белән бәйле аңлату эшен яхшырак оештыру үтенече белән мөрәҗәгать итте. Радий Хәбиров билгеләп үтүенчә, хәзерге вакытта кешеләр аңында “карагруһчылык” хөкем сөрә.
“Мин инде күп тапкыр җәмәгать аңында, пабликларда карагруһчы кәефләрнең артуына инандым. Аларны башкача атый алмыйм. Кешеләргә без сораган нәрсәнең асылын аңлатырга кирәк. Без моны үзебез өчен түгел, алар өчен эшлибез. Без әлегә бу идеологик бәхәстә җиңеләбез. Бу максатчан эш булырга тиеш”, — дип белдерде Радий Хәбиров.
Төбәк җитәкчесе эшкә Фәннәр академиясен, медицина университетының абруйлы галимнәре коллективын, табибларны җәлеп итәргә кушты. “Без бу кара уйларны җиңәргә тиеш”, — диде ул.
Республика Башлыгы COVID-19дан вакциналанучылар санын арттыру өчен күрелүче чаралар турында белдерде. Аның сүзләренә караганда, хәзерге вакытта төбәк җитәкчелеге мәҗбүри вакциналауны кертергә җыенмый, ләкин авыру бик тиз үсеш күрсәтә һәм бу барыбер чаралар күрергә мәҗбүр итә.
“Без барлык традицион чараларны да көчәйтергә тиеш: социаль дистанция, битлек режимы. Барыбыз да аңлыйбыз, чирдән котылуның төп коралы — вакциналану. Без аны көчәйтү өчен берничә чара күрдек... Мин санамадым, әмма Русия Федерациясенең унлап төбәгендә мәҗбүри вакциналану игълан ителде. Хәзерге вакытта безнең республикада бу ихтыяҗ юк — бу беренчедән. Икенчедән — мин мәҗбүри вакциналану игълан итәргә телә-мәс идем, бик тә теләмәс идем. Бу — һәр кешенең шәхси эше. Тик әгәр дә бездәге хәлләр мәҗбүр итә икән, без моңа бара алабыз. Әмма әлегә бу юк, якын киләчәктә көтелмәс дип өметләнәм”, — диде республика Башлыгы.
Башкортстан халкына һәм кунакларына кешеләр күпләп җыела торган урыннарда, шул исәптән мәйданнарда, паркларда, скверларда, аллеяларда булудан тыелырга кирәк. Учреждениеләрдә (әйтик, кафеларда, рестораннарда) хезмәтләрне бары тик түбәндәге документларның берсе булганда гына алырга мөмкин булачак:
Дәүләт хезмәте аша алынган вакциналануны узу турында сертификат (ике компонентны да кертү турында);
вакциналану узу турында медицина оешмасы белешмәсе, шул исәптән беренче компонент белән;
коронавируска каршы вакцина ясатуга каршы күрсәткечләр булу турында медицина оешмасы белешмәсе;
коронавируска тестның тискә-ре нәтиҗәсе турында белешмә, бирелгән көннән алып өч тәүлек дәвамында гамәлдә.
25 июньгә кадәр республикада дәүләт хезмәткәрләренең —кимендә 30 проценты, ә 2 июльгә 60 проценты вакциналанырга тиеш. “Бу минем үз таләбем”, — диде Радий Хәбиров.
Башкортстан Башлыгы белдерүенчә, быел республиканың барлык мәктәпләрендә чыгарылыш кичәләре узачак. “Без аларны уздырачакбыз. Бу — кеше тормышында бер генә тапкыр була торган мөһим вакыйга. Һәр белем бирү учреждениесе бәйрәм форматы турында үзаллы рәвештә карар кабул итәчәк”, — диде Радий Хәбиров.
Ул Башкортстанның мәгариф министры Айбулат Хаҗинга вакыйга алдыннан мәктәп директорларын җыярга, санитар-эпидемиологик таләпләрнең үтәлеше турында аңлатырга һәм искәртергә кушты.
“Вакцина белән өзеклекләр килеп чыкмасын өчен Русиянең Сәламәтлек саклау министрлыгы белән актив эш алып барырга кирәк”, дигән йөкләмә бирде Радий Хәбиров. “Безнең районнарда вакциналау төрлечә алып барыла. Кайдадыр вакцинаны актив ясатмыйлар икән, ресурсларны, вакциналарны актив булган районнарга күчерергә, бик оператив эшләргә кирәк”, — дип ассызыклады республика Башлыгы.
Республикага барлыгы 491 040 доза вакцина кайтты. Беренче компонент белән 434 699 кеше вакциналанган, ягъни алынган вакциналарның — 88,5 проценты. 345022 кеше вакцинаның ике компонентын алган. Соңгы ике көндә вакциналау 28 процентка арткан. Вакцина ясатуның мобиль пунктларына кешеләр 8-10 тапкыр күбрәк килә башлаган.
Сәламәтлек саклау министры вазыйфаларын башкаручы Гөлнара Зиннурова мәгълүматларына караганда, узган тәүлек эчендә коронавирус белән авыруның — 108, барлыгы 40 191 авыру очрагы теркәлгән. Стационарда 200 пациент дәвалана, 27 кеше – авыр хәлдә, 2се — ИВЛда. Амбулатор рәвештә 1 456 пациент дәвалана. Йогышлы авыруга каршы ун госпитальдә 1 420 койка җәелдерелгән. Тәүлек эчендә коронавирустан дүрт кеше вафат булган, аларның саны 566га җитте.
Резеда ГАЛИКӘЕВА.
Читайте нас:
© 2019-2024 “KizilTan” электрон басмасы элемтә, мәгълүмат технологияләре һәм киңкүләм коммуникацияләр өлкәсендә күзәтчелек буенча федераль хезмәт тарафыннан теркәлгән.
Теркәлү саны: 2019 елның 24 маендагы Эл сериясе № ФС 77-75682.
Басманың яшь категориясе 12+
___________________
Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)
Регистрационный номер: серия Эл № ФС 77-75682 от 24 мая 2019 г.
Возрастная категория издания 12+
Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.
____________________
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Баш мөхәррир Фаил Камил улы Фәтхетдинов.
Кабул итү бүлмәсе телефоны: 8 (347) 272-13-61.
___________________
Главный редактор: Фатхтдинов Фаил Камилович.
Телефон приемной: (347) 272-13-61.
Телефон
8(347)272-13-61
Электрон почта
kyzyltan@mail.ru
Адресы
450079, Уфа шәһәре, Октябрьнең 50 еллыгы урамы, 13 нче йорт
Реклама хезмәте
8(347)272-62-27
Хезмәттәшлек
8(347)272-62-27