-19 °С
Болытлы
Гәзиткә язылуVKOKTikTokINSTAGRAM
Барлык яңалыклар
Сәламәтлек саклау
21 октябрь 2021, 20:05

Аллергология — мөһим тармак

Ел башыннан бирле Башкортстанда аллергология һәм иммунология буенча бирелген лицензиялер саны ике тапкыр диярлек арткан.  

Аллергология — мөһим тармак

— Бу профиль буенча яңа лицензияләрне 11 оешма алды, ә 2020 елның шул ук чорында аллергология һәм иммунология буенча нибары 6 оешма лицензия алды, - ди Сәламәтлек саклау министрлыгының Лицензияләү бүлеге җитәкчесе Эльвира Тәхәветдинова.

Аллергология һәм иммунология буенча лицензияләре булган 137 медицина оешмасы лицензияләрнең бердәм реестрында теркәлгән. Шуларның 37се - дәүләтнеке, 96сы - шәхси, 4е башка милек формасы булып тора.
Сәламәтлек саклау министрлыгының штаттан тыш баш аллергологы-иммунологы Ольга Кучер игътибар иткәнчә, дөньяда аллергия авыруларының таралуы көннән-көн арта.

Бөтендөнья Сәламәтлек саклау оешмасы фаразлары буенча, 2025 елга бу чирдән дөнья халкының 50 проценты җәфа чигәчәк, ә 2050 елга планетада яшәүчеләрнең күп өлеше төрле аллергияләрдән җәфа чигәчәк, шул ук вакытта теләсә кайсы матдә аллерген була ала.

Ул билгеләп үткәнчә, узган гасырның 50-70нче елларында Русиядә аллергия авырулары гомум авырулар структурасында - 2дән 4 процентка кадәр булса, 2021 елда аларның проценты 30га кадәр җитә. Соңгы унъеллык дәвамында аллергия патологиясенең сизелерлек яшәрүе һәм авыр клиник формаларның ешаю тенденциясе күзәтелә.

Бу хакта тулырак: https://pravitelstvorb.ru/ru/press-office/news.php?ELEMENT_ID=53162

Фото: https://pravitelstvorb.ru/ru/press-office/news.php?ELEMENT_ID=53162

 

Автор:Ләйсән Якупова