Табиблар Вузара кампус мөмкинлекләре белән танышты

Чара программасында - дәвалау-диагностика һәм профилактика процессларының нәтиҗәлелеген арттыру өчен акушер-гинекологларның һәм гомуми практика табибларының (гаилә табибларының) клиник практикасына заманча технологияләр һәм методикалар кертү мәсьәләләре булды.

Конгресста Кытай, Һиндстан, Көньяк Корея, Казахстан, Кыргызстан һәм Белоруссиядән күренекле Русия галимнәре, табиб-гинекологлар, чит ил белгечләре катнашты. Конгресс кысаларында операцияләрне трансляцияләү реаль вакыт режимында узды.

Чит ил делегатларының республикага сәфәренең мөһим өлеше – БДМУның һәм вузара студентлар кампусының фәнни потенциалы белән танышу булды. Чит ил кунаклары медицина фәнендә алга киткән идеяләрне һәм ачышларны гамәлгә ашыру өчен вузара кампус булдыруның мөһимлеген билгеләп үттеләр, шул исәптән кампуста дисциплинаара диалог өчен мөмкинлекләр ачылу нәтиҗәсендә.

Сәламләү сүзе белән Башкортстан сәламәтлек саклау министрының беренче урынбасары Роберт Иштуков чыгыш ясады:
- Русия һәм чит илләрнең әйдәп баручы галимнәренең кунакчыл Башкортостан территориясендә очрашулары күркәм традициягә әверелер, һәм без тагын бергәләп мондый киңкүләм мәгариф чараларында катнашачакбыз, дип ышанабыз. Халкыбызның иң кадерле – сәламәт киләчәге файдасына бу авыр хезмәттә уңышлар телим.

Тулырак: https://pravitelstvorb.ru/news/25409/