Алсу... дүртенчегә бәби көтәме?

Әгәр моңа кадәр озак айлар артистканың гаугалы аерылышуы турында гына хәбәрләр ишетелсә, хәзер күпләр аның яңа сөекле кешесе кем булуы турында фаразлар төзи. Күптән түгел Интернет киңлекләрендә пәйда булган яңа фотоларыннан соң кайберәүләр җырчының йөкле булуы турында нәтиҗә ясаган.

Шушы көннәрдә генә «Алтын граммофон» милли музыкаль премиясе тапшыру тантанасында Алсу 2025 ел символы — агач яшел еланга ошарлык нәфис, якты образда күренде. Артистка бу чарага зөбәрҗәт төсендәге киң җиңле, җемелдәп торган бизәкләр һәм зур каурыйлар белән бизәлгән күлмәк сайлаган һәм образын эре зөбәрҗәтле зур алкалар белән тулыландырган.

Мондый кием күпбалалы әнинең идеаль фигурасын ассызыклаган, ләкин тамашачылар шунда ук йолдызның гәүдәсендәге кайбер үзгәрешләрне күреп алган. Барысына да аның корсагы гадәттәгечә яссы күренми кебек тоелган — ул сизелерлек түгәрәкләнгән.

Интернет челтәрендә бу хакта чираттагы фикер алышулар башланганчы, артистка үзенең яңа мөмкин булган мөнәсәбәтләре һәм дүртенче баласы турындагы барлык имеш-мимешләргә һәм гайбәтләргә чик куярга булган.
Алсу үзенең яңа «кабарынкы» формаларыннан көлеп, сәхнә артында видео яздырган.
"Юк, мин йөкле түгел. Чыгыш алдыннан туйганчы ашадым", — дип, ирония белән дөресен белдергән башкаручы.

Фигураларын даими кайгыртып торучы артистларның да кайвакыт корсаклары кабарганчы ашарга хакы бардыр бит, дуслар, ничек уйлыйсыз?

Фото: “tv.mail.ru”