Радий Хәбиров миграция сәясәтенә карата үз фикерен белдерде

Русия Президентының Идел буе федераль округындагы Тулы вәкаләтле вәкиле Игорь Комаров:
“Идел буе төбәге – мигрантлар өчен иң популяр төбәкләрнең берсе. Бүген бездә 500 меңнән артык чит ил гражданы яши. Алар арасында җинаятьчелек кими, әмма авыр җинаятьләр саны югары булып кала".

Социологик тикшеренүләр шуны күрсәтә:
- 11,3% кешеләр мигрантларга уңай карый;
- 28,5% кешеләр тискәре мөнәсәбәттә;
- 68,5% русияле мигрантларның керүен чикләргә кирәк дип саный.

Башкортстанда хәлләр ничек?
- 22 меңнән артык мигрант республикада рәсми рәвештә эшли;
- Башкортстан ПФОда мигрантларга эш патентлары бирү буенча 4нче урында;
- 82 мең чит ил студенты ПФО вузларында белем ала.

Радий Хәбиров:
“Икътисад үсештә, шуңа күрә эшче куллар кирәк. Әмма чит илдән килгән кешеләр илебездәге кануннарны үтәргә, урындагы гореф-гадәтләргә хөрмәт күрсәтергә тиеш. Башкортстанда мигрантларны эшкә алу буенча чикләүләр юк, ләкин әгәр кагыйдәләрне бозса, без дә башка төбәкләр кебек катгый чаралар күрергә мәҗбүр булачакбыз.”

Башкортстан миграцияне контрольдә тота:
- чит ил гражданнарының социаль-мәдәни адаптациясе мөһим;
- экстремизм куркынычы булмасын өчен өстәмә чаралар күрелә;
- диаспора вәкилләре белән очрашулар узачак.

Фото: glavarb.ru